အလိုလိုက်ကာ ခေါင်းငြိမ့်ရတော့မယ်ဆိုရင်တော့ ဘယ်သဘာဝကျမလဲဟာ …
ငါလည်းလူသားပဲဟ … တစ်ခါတစ်ခါ…..ငါ့စိတ်ခံစားချက်နဲ့ ငါလေ
ရင်ခုန်သံတွေနီးစပ်လို့ သာ ငါတို့ တွေချစ်သူဖြစ်ကြတာပဲ …
တစ်ခါတစ်လေတော့လည်း… နင်ဖြူနေပေမယ့်လည်း
ငါက မဲချင်မဲမှာပေါ့ဟာ ။
နင့်ကို ချစ်လား၊ချစ်လားလို့ ခဏခဏ မမေးပါနဲ့ ... နင်နဲ့ ငါကြားမှာ
ဒီလိုစကားတွေပဲ ခဏခဏပြောနေလို့  အဲ့ဒါဘ၀ကြီးမှ မဟုတ်တာ …
လိုအပ်ရင်ငါပြောမယ် … အကြောင်းတိုက်ဆိုင်ရင်...နင်လည်း ရင်'ပြန်ခုန်ပေးပါ …
အချိန်ရှိတိုင်း … ချစ်ကြောင်း ၊ လွမ်းကြောင်း ထိုင်ပြောနေလို့ 
အရာရာမပြီးမြောက်ဘူးလေ … နင့်မျက်နှာ ငါထိုင်ကြည့်နေလို့ 
ထမင်းတွေဖြစ်မလာသလို ၊ ငါ့မျက်နှာ နင်ထိုင်ကြည့်နေလို့ လဲ
နင်ဗိုက်မ၀နိုင်ပါဘူး … အချစ်နဲ့ ဘ၀က ခြားတယ်ဆိုတာကို
ငါနားလည်ထားသလို နင်လည်းသဘောပေါက်ရင်
ငါ့ကို အလုပ်ကြိုးစားလွန်းတဲ့ကောင် ဆိုပြီး မခနဲ့ ပါနဲ့  … ။
အလှအပကြိုက်တာ နင်တို့ မိန်းကလေးသဘာဝဆိုတာ ငါနားလည်ပါတယ်။
ဒါပေမယ့် တော်ရုံတန်ရုံပဲမက်ပါဟာ … အလှအပကို ကိုးကွယ်လွန်းအားကြီးရင်
မှားတတ်လွန်းလို့ ငါပြောတာပါ ။( ဥပမာ - ဒီလ ဆံပင်ဖြောင့်ပေးပါ ။
နောက်လ ဆံပင်ကောက်ချင်တာ…) အဲ့လိုခဏခဏမပူဆာပါနဲ့ …
ငါကပ်စေးနဲလို့ ပြောတာမဟုတ်ပါဘူး … ပြင်လွန်းရင် ၊ ဖင်ချွန်းတတ်သလို …
လုပ်ချင်တာတွေစိတ်ရှိအတိုင်း လျှောက်လုပ်ရင် ဘေးဖြစ်ကုန်မယ်လေ …။
နင်တစ်ခုခုလိုချင်ရင် ၊ ဖြစ်ချင်ရင် ငါ့ကိုယ်ပြောပါ ။ ငါအတတ်နိုင်ဆုံးဖြည့်ဆည်းပေးပါ့မယ်။
နင်မပြောပဲ ကျိတ်မှိတ်နေပြီးတော့မှ တစ်ယောက်ထဲအလိုမကျဖြစ်နေရင်တော့
ငါလည်းဘာမှမတတ်နိုင်သလို နင်နဲ့ ငါကြားမှာ မလိုလားတာတွေဖြစ်လာနိုင်ပါတယ် …။
ငါ့ကို နင် … အစ်ကိုတစ်ယောက်လို တိုင်ပင်ပါ ။အဖေတစ်ယောက်လို အားကိုးလို့ ၊
သူငယ်ချင်းတစ်ယောက်လို ခင်တွယ်ကာ ၊ ချစ်သူ တစ်ယောက်လို တန်ဖိုးထားချစ်ခင်ပေးပါ ။
နင့်အပေါ်မှာ ငါ အကောင်းဆုံးလူသားတစ်ယောက်အဖြစ် ရှိနေပေးပါ့မယ် …။
နင်နဲ့ ငါအပြင်သွားကြတိုင်း … ဟိုဟာဝတ်ပါ၊ဒီဟာဝတ်ပါလို့ မစီမံပါနဲ့ …
နင့်အမြင်မှာ နင်နှစ်သက်ပေမယ့် … ငါနဲ့ လိုက်ဖက်ချင်မှ လိုက်ဖက်မှာလေ …
ငါ့စတိုင်... ငါ့ဒီဇိုင်းနဲ့  ငါနေတတ်သလိုပဲနေပါရစေလေ …
လမ်းဘေးဆိုင်တွေတွေ့ တိုင်း … အားရပါးရ၀င်ထိုင်မစားပါနဲ့ …
နင်ကြိုက်လို့ နင်စားတာကို … တားမရလို့ ငါမတားတော့ပါဘူး …
ဒါပေမယ့်…ငါ့ကိုလည်း ချစ်ရင်စားဆိုတဲ့ စကားမျိုးနဲ့ မချုပ်ကိုင်ပါနဲ့ …။
နင်ထမင်းဟင်းမချက်တတ်တာကို ၊ ငါမဝေဖန်ပါဘူး ၊ အပြစ်လည်းမမြင်ပါဘူး။
ဒါပေမယ့် … နင်ချက်ကျွေးမယ်ဆိုပြီး နင့်အိမ်မှာ ထမင်းဖိတ်ကျွေးကာ
နင့်အမေကို ချက်ခိုင်းတာမျိုးတော့ မလုပ်ပါနဲ့ ။ နင်လည်း ပင်ပန်းသလို
အဲ့လို သရုပ်ဆောင်တာတွေ ငါလဲ မနှစ်မြှို့ ဘူး …။
တစ်နေ့ တစ်ခါ နင့်ဆီဖုန်းဆက်ပါဆိုရင်တော့…ငါဆက်ပေးပါ့မယ်။
ဒါပေမယ့်…နင်လည်းနားလည်ပေးပါ။(ဥပမာ - အလုပ်ရှုပ်နေလို့ မေ့လျော့သွားတာမျိုးတို့ ၊
အလုပ်ကိစ္စနဲ့ မအားလပ်တာမျိုးတို့ ဆိုရင် ) ငါပျက်ကွက်မှု့ အတွက် … ပြန်ဖြေရှင်းပေးရင်
နင်ကလက်ခံပေးပါ ။ (နင်'ဖုန်းဆက်လို့  လွတ်လွတ်လပ်လပ် ၊ အေးအေးဆေးဆေး
စကားပြန်ပြောလို့ မရတဲ့အခြေအနေမျိုးမှာ~ဖုန်းချမိရင်လည်း ငါ့ကို နင်'ပြဿနာမရှာပါနဲ့ )
ဘာကြောင့်ဖြစ်လဲ ၊ ဘာအကြောင်းကြောင့်လဲဆိုတာ … လက်ခံပေးပါ ။
နင့်ကို ငါချစ်လို့  နင်ငါ့အပေါ်ဆိုးနွဲ့ ချင်တာကို ငါနားလည်ပါတယ် …
ဒါပေမယ့် ငါ့မိဘ၊ ငါ့မောင်နှမရှေ့ မှာ ငါ့ကို ပိုင်ကြောင်း ၊ ဆိုင်ကြောင်းပုံစံနဲ့ 
အာဏာ ၊ ပါဝါတွေ သိပ်မပြပါနဲ့ … မွေးထုတ် ထားတဲ့ငါ့မေမေတွေ စိတ်မကောင်းဖြစ်ရမယ် ။
ပြီးတော့ နင်နဲ့ ငါ့ကြားမှာ အဖုအထစ်လေးတွေ ဖြစ်ကုန်မယ် … ။ မဆိုင်တာတွေကို
နင်အတွေးမချော်စေချင်ဘူး ... ။ အမေချစ်သားကို ချစ်ရတာ ဒုက္ခရောက်ရတတ်တယ်လို့ 
သူများတွေပြောတိုင်း နင်နားယောင်ကာ ... ငါ့ကိုယ် လာလာ မထိုးနှက်ပါနဲ့ …
ငါပြောပြမယ်နော် ။ ကိုယ့်အမေ ၊ ကိုယ့်အစ်မ ၊ ကိုယ့်နှမကိုတောင် မချစ်တတ်၊မခင်တတ် ၊
တန်ဖိုးမထားတတ်ရင် … သူများ နှမသားချင်းကို တန်ဖိုးထားစာနာတတ်ဖို့ ဆိုတာ
ဝေးပေါ့ဟာ … ကိုယ်ချင်းစာတရားထားရှိတတ်တယ်ဆိုတာ…ကိုယ့်ကိုယ်နဲ့ ရင်းမှ သူများကို ချင်းနိုင်တာ … ။
လူတိုင်းက ကိုယ့် hobby နဲ့ ကိုယ်ပါလေ ။ ငါ့ ၀ါသနာကို နင်မနှစ်သက်ရင်နေပါ ။
မဝေဖန်ပါနဲ့ .။ငါတို့ အချင်းချင်း အပြန်အလှန် လေးစား ၊ နားလည်မှု့ ထားရှိပေးပါ ။
ငါက နင့်ကို ပိတ်ပင်တားမြစ်မှု့ တွေ သိပ်မလုပ်ချင်ပါဘူး…။ဒါပေမယ့် လိုအပ်လို့ 
အကန့် အသတ်နဲ့ တားမြစ်ခဲ့မိရင်လည်း နင်က လက်ခံပေးပါ ။ (ဥပမာ -
ကလပ်ဆိုတာမျိုးက မကောင်းဘူး ။ မသွားပါနဲ့ လို့ ငါကတားရင် နင်ဘယ်သူနဲ့ 
ဖြစ်ဖြစ်မသွားနဲ့ တော့ပေါ့) တားလို့ မရလို့  နင်သိပ်ရောက်ဖူးချင်သပဆိုရင် …
ငါကိုယ်တိုင် တစ်ခေါက်လိုက်ပို့ မယ် … ။ ဒါပေမယ့် နောက်ထပ်မပူဆာပါနဲ့ တော့ ။
နင်တစ်ခုခု အပြစ်လုပ်ထားရင် နင်ကိုယ်တိုင်ဝန်ခံပါ ။ သူများပြောလို့ သိရတာမျိုး
ငါမလိုချင်ဘူး။( ဥပမာ - သင်တန်းချိန်တွေလစ်ပြီး ၊ ဂိမ်းစင်တာတွေသွားတာတို့  ၊
ရုပ်ရှင်လျှောက်ကြည့်တာတို့ ဆိုရင် ) သူများပြန်ပြောမှ ငါသိရင်
ငါဘာကောင်ဖြစ်သွားမလဲ … နံရံတွေတိုင်းမှာ နားတွေ၊မျက်စိတွေရှိလို့ နင်နေချင်
သလိုတော့မနေလိုက်ပါနဲ့ .။ နင်ဘာလုပ်လုပ် ငါက ဆူပူ အပြစ်မပြောတတ်ပါဘူး .။
ဒါပေမယ့် ငါဘာတွေ ပြောပြော ဆုံးမချင်နေတတ်ခဲ့တာ နင့်ကောင်းဖို့ အတွက်သက်သက်ပါ ။
နောက်ပြီးတော့ … နင်ငါ့ကို သူများတစ်ဦး၊တစ်ယောက်နဲ့  မနှိုင်းယှဉ်ပါနဲ့ ။
လူနဲ့ လူဆိုပေမယ့် … မူချင်းတူချင်မှတူမှာလေ … တစ်ခါတစ်လေမှာ
ငါ romance ဆန်ပေးမယ် ။ တစ်ခါတစ်ခါမှာ လက်တွေ့ ကျကျနေပေးမယ် ။
ငါ့ကို ဘယ်သူနဲ့ မှမယှဉ်ပါနဲ့ ။ဟိုဟာနဲ့ များတစ်ခြားစီတို့ ၊ဒီဟာနဲ့ များကွာပတို့  မလုပ်ပါနဲ့ ။
ငါကအပေါင်းအသင်းတွေကိုခင်တာဟုတ်ပါတယ်…။ဒါ့ထက် နင့်ကို ပိုချစ်လို့ ငါနင့်အနားမှာ
နေနေခဲ့တာပါ။ ငါ့သူငယ်ချင်းတွေရှေ့ မှာ နင် ငါ့ကို အနိုင်မယူပြပါနဲ့ ။ နင့်ကို ငါက
အရမ်းချစ်တယ်ဆိုတာ နင်အဲ့လိုဆိုးပြ ၊ ဂျစ်ပြတာကို သည်းခံနိုင်မှ လူမြင်သာမှာ မဟုတ်ပါဘူး ။
ငါတို့ နှစ်ယောက် တစ်ယောက်ကိုတစ်ယောက် အပြန်အလှန် တန်ဖိုးထား ၊ နားလည် ၊
ကြင်နာနေရင် သူများတကာတွေပိုပြီးတောင် အားကျဦးမှာပါ…။
ငါ့ကို တယုတယ ၊ ယုယကြင်နာစွာဆက်ဆံတာထက် နွေးထွေးစွာ နားလည်မှုပေးတာကို
ငါပိုလိုချင်တယ် … ငါ့ကိုယ် ဂရုစိုက်ရင် ငါ့မျက်နှာကို ဖတ်တတ်ပါစေ …။
ငါစိတ်ရှုပ်နေရင် … ငါ့အနားလာကာ ဗြစ်တောက် ၊ဗြစ်တောက် ၊ ပေါက်ပေါက်မဖောက်ပါနဲ့ ။
ငါကျောပူတာခံနိုင်ပေမယ့် … နားပူတာလုံးဝမခံနိုင်ဆုံးပါ ။
နင်ငါ့အပေါ်မှာ တစ်ခုခုများအလိုမကျတာရှိရင်၊ချက်ချင်းပြောပါ။ ပွင့်လင်းစွာပြောပါ။မကောက်ပါနဲ့ ။
မချိတ်ပါနဲ့ ။ နင့်စိတ်ထဲဘာဖြစ်နေတယ်ဆိုတာ … ရုတ်တရက် ငါဘယ်လိုလုပ်သိမှာလဲ …
( ငါအဲ့လိုမသိနိုင်ဖြစ်တဲ့အခါမှာ နင်ငါ့ကို ထပ်ပြီး စိတ်ဆိုးဦးမယ် ) ဒါကြောင့် နင်တစ်ခုခုကြောင့်
မကျေမနပ်ဖြစ်လာရရင် ချက်ချင်းပြောပြပါ ။ ငါလည်း ချက်ချင်း ချော့မော့ပါ့မယ် … ။
နင်လည်း နင့်သူငယ်ချင်းတွေနဲ့ သွားစရာလာစရာရှိလို့  … ငါကိုခေါ်ဖို့  မသင့်တဲ့နေရာတွေဆို
သွားပါ ။ ငါနားလည်ပေးပါတယ် ။ ငါ့မှာလည်း နင့်လိုပဲ တစ်ခါတစ်လေ သူငယ်ချင်းတွေနဲ တော့
ဟိုဟိုဒီဒီသွားသွားလာလာလုပ်ချင်ပါသေးတယ်…။
မဟုတ်ရင် ငါလည်း စော်တစ်ယောက်ရှိတာနဲ့  အပေါင်းအသင်းမဲ့တဲ့ကောင်မဖြစ်ချင်ဘူး…။
နားလည်မှု့ ကို အခြေထားကာ … စာနာ ၊ကြင်နာခြင်းတွေ ဘေးနှစ်ဘက်ရံပြီး
နွေးထွေးမှုတွေ ဗဟိုထားရင်တော့ ငါတို့ မေတ္တာတရားတွေ ပိုလို့  ထုထည်ကြီးမားလာမှာသေချာပါတယ်ကွာ…။
♥MOESUTNAY♥
8.11.2010
( Monday )
3:00 p.m.
No comments:
Post a Comment