“ဒြပ်မဲ့ လက်ဆောင်”

“ဒြပ်မဲ့ လက်ဆောင်”

ချစ်လို့ပေးတဲ့ လက်ဆောင်
ကြောက်လို့ပေးတဲ့ လက်ဆောင်
ပေးသင့်လို့ပေးတဲ့ လက်ဆောင်
ပေးချင်လို့ပေးတဲ့ လက်ဆောင်
ပေးထိုက်လို့ပေးလိုက်တဲ့ လက်ဆောင်

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

လူတိုင်းရဲ့ ဘ၀မှာ အမှတ်တရ လက်ဆောင်လေးတွေ ကိုယ်စီရရှိခဲ့ဖူးကြမှာပါ ။ အဲ့လိုပဲ ကျွန်တော့်မှာလည်း
အမှတ်ရဖွယ်ရာ အမှတ်တရလက်ဆောင်လေးတွေ အများကြီး ရခဲ့ဖူးတယ် ။ ကျွန်တော့်ကို လက်ဆောင်လေးတွေ
ပေးတိုင်း မြတ်နိုးစွာ တန်ဖိုးထား သိမ်းဆည်းတတ်သလို ၊ ကျွန်တော်ကိုယ်တိုင်လည်း ကျွန်တော်ချစ်တဲ့သူတွေကို လက်ဆောင်လေးတွေ ပေးလေ့ရှိတတ်တယ် ။

တန်ပြန် တုံ့ပြန်မှုကို မမျှော်မလင့်ဘဲ ပကတိအရောင်ကင်း၍ အကျိုးရလာဒ် တစိုးတစေ့မျှမပါရှိသည့် လက်ဆောင်မျိုးဆိုလျှင်
ဘောပင်လေး တစ်ချောင်း ၊လက်ကိုင် ပုဝါလေးတစ်ထည် လောက်ကအစ ... ကျွန်တော် ကောင်းကောင်းကြီး တန်ဖိုး ထား တတ်နိုင်ပါတယ် ။ ( ခြွင်းချက် အနေဖြင့် ကြည်နူး ၊ ပီတိ ပျော်ရွှင်မှုကိုတော့ မျှော်လင့်မိပါ၏။ ) ကျွန်တော်ကဘာကြောင့် လက်ဆောင်လေးတွေကို တန်ဖိုးထား နှစ်သက်တာ လဲဟု ဆိုလျှင် ... လူတစ်ဦး၏ အလေးအနက်ထားရှိမှုကြောင့်
တန်ပြန်လာသည့် တုံ့ပြန်ရလာဒ်ကို နှစ်လိုဖွယ် အသိအမှတ် ပြုတတ်ခြင်း ကြောင့်ပင် ဖြစ်လိမ့်မည် ။

တကယ်တော့ကော ~ လက်ဆောင် ဆိုတာ ဘာလဲ ?
ပေးသူနဲ့  လက်ခံသူရဲ့ အကြားက ဘာသာစကားတစ်ခုပေါ့ဗျာ ။ လူတစ်ချို့က ကြောက်ရတဲ့အခါမျိုးမှာ လက်ဆောင်ပဏ္ဍာဆက်သကြတယ် ။ လူတစ်ချို့က ချစ်ကြတဲ့အခါ အမှတ်ရဖွယ် လက်ဆောင်တွေ ပေးကြတယ် ။ လူတစ်ချို့က ပေးသင့်၊ပေးအပ်တဲ့အခါ ပေးထိုက်တဲ့အရာအဖြစ် လက်ဆောင်တွေ ပေးကြတယ် ။ သုံးစွဲပုံလည်းမတူပါဘူး ။ အသုံးပြုပုံလည်း မတူဘူးဗျ ။ အဲ့ဒီအရာကို နားနဲ့ လည်း ကြားလို့ရတယ် ၊ နှလုံးသားနဲ့ ခံစားလို့ရတယ် ၊ ဦးနှောက်နဲ့လည်းသိမြင်နိုင်လို့ရတယ်။

ရာထူးဂုဏ်သိမ်ရှိသူကို အောက်လက်ငယ်သားတွေက ဆက်သတဲ့လက်ဆောင် ကိုတော့ ဦးနှောက်နဲ့ 
နားလည်လို့ရတယ် ။ ချစ်သူခင်သူ အချင်းချင်းပေးတဲ့ မေတ္တာလက်ဆောင်တွေကိုတော့ နှလုံးသားနဲ့ ခံစားလို့ရတယ်။
အခြေအနေအကြောင်းတရားတစ်စုံတစ်ခုကြောင့် ရရှိလာပြန်တဲ့လက်ဆောင်ကိုတော့ အသိစိတ်က လက်ခံလိုက်လို့ရတယ် ။

လက်ဆောင်တဲ့ . . . စကားလုံးလေးကတော့ နှစ်လုံးတည်းရယ် ။ ဒါပေမယ့် အများကြီး တာသွားပါတယ် ။ ပေးကမ်း
စွန့်ကျဲသူရဲ့ မေတ္တာတရား ၊ လက်ခံရယူသူရဲ့ ကြည်နူးပီတိများ ... သူ့ ဆီမှာ အများကြီး ပါသွားတယ်လေ ။ စာအုပ်
တစ်အုပ်ထဲမှာ ဖတ်ဖူးခဲ့လို့ ~ သိပ်ဘ၀င် မကျ တာလေး တစ်ခုရှိတယ် ။ စာသားလေးက ဒီလိုဗျာ “တကယ်တော့
လက်ဆောင်ဆိုတာ ... လက်ထဲမှာ အမြဲဆောင်ထားခွင့်ရနေမယ့် အရာတစ်ခုပါ” တဲ့ ။ ဒီလိုသာဆိုရင် ~ ကျွန်တော်တို့
လက်ဖ၀ါးတွေနဲ့  ဖမ်းဆုပ်လိုက်နိုင်ခွင့်မရတဲ့ ၊ ဆုပ်ကိုင် ဆောင်ထားလို့ မရတဲ့ အရာတွေကျတော့ ... လက်ဆောင်လို့ မခေါ်တွင်တော့ဘူးလား ။ ကျွန်တော် ရိုးရိုးလေး တွေးလို့ ကျွန်တော့်အမြင်လေး ပြောရရင် ~ လက်ဆောင်ဆိုတာ ...
ရရှိခြင်းလို့ပဲ ... အရိုးရှင်းဆုံး ဖွင့်ဆိုပါရစေ ။

တကယ်တော့ ... သာမန်မျက်စိနဲ့ မမြင်နိုင်ဘဲ ၊ ထုထည်မတည်ရှိသော ဖမ်းဆုပ်နိုင်စွမ်းမဲ့တဲ့ အရာတွေဟာလည်း
တစ်ခါတစ်ရံမှာ လက်ဆောင်လေးတွေ ဖြစ်နေတတ်ပါတယ် ။
ချစ်သူကိုပေးတဲ့ စာလေးတစ်ကြောင်းဟာ ... ရင်ဘတ်နဲ့ ခံစားလို့ ကောင်းတဲ့ လက်ဆောင် ။ အနမ်းလေးတစ်ပွင့်
ဟာတော့ နှလုံးသားနဲ့ ခံစားလို့ကောင်းတဲ့ လက်ဆောင်ပေါ့ ... ။ ထို့အတူ မိတ်ရင်းဆွေချာ တွေကြားမှာ ပေးတတ်ကြတဲ့
လက်ဆောင်ဟာ ဘ၀မှာ အမှတ်ရဖွယ် မေတ္တာလက်ဆောင် တစ်ခုပေါ့ဗျာ . . . ။

ဘ၀မှာ အမှတ်တရဖြစ်ဖွယ်လက်ဆောင်လေးတစ်ခုကို ကျွန်တော့်မွေးလကရခဲ့လိုက်တယ်ဗျာ . . . ။
ဒီဇင်ဘာ ( ၂၅ )ရက်နေ့ ဆို ကရုဏာရိပ်မွန်ခရစ်ယာန်မိဘမဲ့ဂေဟာလေးမှာ Save The Aged ရဲ့ 
( ၂၄ )ကြိမ်မြောက် လစဉ်အလှူကို သွားရောက်ကျင်းပပြုလုပ်မယ်ဆိုပဲ ။ ကျွန်တော့်ရဲ့ မွေးလဖြစ်တဲ့ ဒီဇင်ဘာလလေးမှာ
STAက မိဘမဲ့ကလေးလေးတွေရှိတဲ့နေရာမှာ သွားလှူမယ်ဆိုတာကို သိလိုက် ရကတည်းက သူတို့လေးတွေအတွက်
အမှတ်တရ ခရစ္စမတ်ကတ်လေးတွေ ကျွန်တော် ကိုယ်တိုင် ဖန်တီးပြုလုပ်ထားခဲ့မိတယ် ။ ကျွန်တော်ဟာ ဗုဒ္ဓဘာသာဝင်
တစ်ယောက်မို့ ခရစ်ယာန်ဘာသာဝင် တွေရဲ့ ရိုးရာဓလေ့ဘာသာရေးပွဲတော်ဟာ ဘာကြောင့်အစတည်တယ် ၊
ဘာအတွက်လုပ်ကြတယ် ဆိုတာကိုတော့ ... ကျွန်တော် ကောင်းစွာမသိလို့ မပြောတတ်ပါဘူး ။ ဒါပေမယ့် ခရစ္စမတ်
ရောက်တိုင်း ချစ်တဲ့ခင်တဲ့ သူငယ်ချင်းတွေကို ကတ်လေးတွေပေးခဲ့ဖူးတာတော့...ငယ်ငယ်ကတည်းကကျွန်တော်ရဲ့
အကျင့်တစ်ခုပေါ့ဗျာ ။

သူတို့လေးတွေ ပျော်စေဖို့ရယ်ဆိုတဲ့အတွေးတွေကလွဲလို့ မျှော်လင့်ချက်တစ်စုံတစ်ရာမပါတဲ့ ကျွန်တော့် ခံစားမှု
စိတ်စေတသိတ်တွေဟာ သူတို့လေးတွေကို ခရစ္စမတ်ကတ်လက်ဆောင် လှလှလေးတွေပေးဖို့ အတွေးအိမ် တည်ခဲ့တာပေါ့ . . . ။

ကျွန်တော့်ဆန္ဒတွေ ရုပ်လုံးပေါ်လို့ သူတို့လေးတွေလက်ထဲ ကတ်လေးတွေ ထည့်ပေးနိုင်တဲ့အခါ “Merry Christmas”
ပါလို့ ပြန်ပြီး ဆုတောင်းပေးတဲ့ ကလေးတစ်ချို့ရဲ့ အသံတွေ ... “ကျေးဇူးပါ ။ ကတ်လေးက လှတယ်”ဆိုတဲ့ ကလေးလေးတစ်ယောက်ရဲ့ အသံတွေက ကျွန်တော် အိပ်ပျက်ခဲ့တဲ့ ညတွေထက်တောင် သာလွန်တဲ့ တန်ပြန်မှုတစ်ခုပဲ . . . ။ သူတို့ကိုပေးတဲ့ မုန့်ကလေးတွေကို ရက်ရက်ရောရောနဲ့ ပြန်ကျွေးနေတဲ့ ကလေးတွေရဲ့  သဏ္ဍန်ဟာ ရိုးသားခြင်းဟန်ပန်ပဲ ... ။ ဟန်ဆောင်မှုအတိကင်းတဲ့ အပြစ်ရှင်းတဲ့ သူတို့မျက်ဝန်းလေးတွေကြားက အပြုံး ရိပ်လေး တွေက ဘယ်သူမှမသိဘဲ
တိတ်တိတ်လေး ကျွန်တော် ပြန်သယ်ဆောင် လာတဲ့ လက်ဆောင်လေးတွေပါပဲ ။



ကျွန်တော် မတောင်းခဲ့ပါဘူးဗျာ. . . ။ သူတို့ လိုလိုလားလား စွန့်ကျဲခဲ့တာပါ ။ စာတန်းမထိုးထားတဲ့ သူတို့မျက်ဝန်း
တွေထဲက ပျော်ရွှင်ခြင်းဆိုတဲ့ ဘာသာစကားကို ကျွန်တော် နှလုံးသားနဲ့ ဖတ်သား ၊ ခံစား သွားလိုက်တယ် ။ ကျွန်တော်
တွေ့ သလို ၊ သင်တို့လည်း တွေ့ လိမ့်မယ် ။ သူတို့ လွတ်လပ်စွာ ပြုံးရယ်ကြပါတယ် ။ ဒီအပြုံးရိပ်လေးတွေ ဟာ ကျွန်တော်တို့အတွက် ငြူစူခြင်း တစ်စုံတစ်ရာ ၊ မနှစ်လိုဖွယ် တစ်စုံတစ်ရာ ပါရှိခဲ့မယ်ဆိုပါက ... သူတို့လေးတွေ ဆက်လို့ ပြုံးပြနေနိုင်ပါ့ဦးမလား ။ ကျွန်တော်တို့ မြင်တွေ့နေရသည့်အရာကို ကျွန်တော်တို့ ကျေနပ်စွာ အရယူလက်ခံ
လိုက်တယ် ဆိုတာကိုလည်း ... သူတို့လေးတွေ သိကောင်း သိနိုင်ပါရဲ့ ။ ကျွန်တော်တို့ နှစ်သက်ကျေနပ်စွာ လက်ခံ
နေသော အပြုံးရိပ်လေးများကို သူတို့လေးတွေက လိုလိုလားလား စွန့်ကျဲသွားခဲ့တယ် ။ သူတို့က မျက်ဝန်းတွေနဲ့  ပြုံးတယ် ။ ကျွန်တော်တို့က နှလုံးသားတွေနဲ့ ပြုံးတယ် ။ ဒီအရာက ဘယ်အဘိဓါန် မှာမှ မညွှန်းဆိုထားတဲ့ ရင်ဘတ်ခြင်း Link ချိတ်လိုက်တဲ့ နှလုံးသားဘာသာဗေဒက ဒေသိယစကား တစ်ခုပဲ ဖြစ်လိမ့်မယ် . . . ။ ~ ။

တစ်ချို့လက်ဆောင်တွေက
လောကမှာ ငွေနဲ့ ဝယ်ယူလို့ရတယ်
တစ်ချို့လက်ဆောင်တွေက
လောကမှာ ငွေနဲ့ တောင်လဲလှယ်ဝယ်ယူလို့မရဘူး


တစ်ခါတစ်လေ
ပျော်ရွှင်ခြင်းဆိုတဲ့အရာကို
အမှတ်မထင်ခံစားရတတ်တယ်


တစ်ခါတစ်လေ
ပျော်ရွှင်ခြင်းဆိုတဲ့အရာကို
ကိုယ်တိုင် အရယူ ကြိုးစားရတယ် . . .

မိတ်ဆွေ ~ တကယ်ပျော်ချင်တယ်ဆိုရင်
ပျော်ရွှင်ခြင်းဆိုတဲ့အရာကို
သင့် နှလုံးသားနဲ့ ခံစား ဖတ်/မှတ် ပါ ... ။ ~ ။

===============================TheEnd================================

လိုနေသူတွေကို အားဖြည့်ရင်း … ငိုနေသူတွေကို ထွေးပွေ့ ခြင်းတွေနဲ့  . . .

♥မိုးစွတ်နေ♥

အမာခံမန်ဘာ
www.savetheaged.ning.com

Save The Aged (ရန်ကုန်)

(29.12.2011)
11:30 P.M.

ကြာသပတေးနေ့