“ကျွန်တော်တို့ပျော်တဲ့ကမ္ဘာငယ်လေး (သို့) STA”
ပျော်ရွှင်ခြင်းအစစ်အမှန်ဟာ
ငွေကြေးနဲ့ပေးဝယ်ကာ
လဲလှယ်လို့မရဘူးဆိုတာ . . . သူငယ်ချင်း ယုံကြည်ပါသလားခင်ဗျာ
လက်ဖျားငွေသီးမှ အပျော်ရှာလို့ရတယ်ဆိုတဲ့စကား
ကျွန်တော်တို့အတွက်တော့ နား’ခါးတယ်ဗျ . ..
ပျော်ချင်လွန်းလို့ ဒီကိုလာတာမဟုတ်ဘဲ
ဒီကိုလာရင်းနဲ့ကို ပျော်သွားကြတယ်ဗျာ . . .
အရှင်းသန့်ဆုံး ပေးဆပ်ခဲ့ဖူးရင်
အချိုမြိန်ဆုံးပျော်ရွှင်ခြင်းကို ခံစားရတတ်တယ်ဗျ . . .
လူတစ်ချို့က ပေးရတာကိုပျော်တယ်
လူတစ်ချို့က ပျော်လို့ ပေးကြတယ်
ကျွန်တော်တို့က ပေးရင်းနဲ့ကိုပျော်ကြတယ်
ပျော်လွန်းလို့လည်း ပေးကြတယ် . . .
ကိုယ်ချင်းစာတရားဆိုတဲ့ စကားအနက်
ဘယ်အဘိဓါန်မှာ ၀င်ဖတ်မလဲ . . . သူငယ်ချင်း
ဘယ်သုတေသီမှ မပြုစုခဲ့တဲ့ ကျမ်းစာတစ်ပုဒ်ကိ်ု
ဖတ်ရှူ/လေ့လာချင်တယ်ဆိုရင်ပေါ့
ကျွန်တော်တို့ ရင်ခွင်ဝဲဘတ်ကို ၀င်ကြည့်လှည့် . . . သူငယ်ချင်း
လစ်တမတ်(စ်)စက္ကူတွေလို
အရောင်ပြောင်းလဲခြင်းမရှိ
ကျွန်တော်တို့တွေ ပကတိကြည်လင်နေပါ၏ . . .
ဘ၀နောက်ခံကာလာတွေ
ဘယ်ပုံ/ဘယ်လိုပဲ လာကြပါစေ
ဒီအထဲမှာ အားလုံး အတူတူပဲလေ . . .
အပြာရောင်လဲ့လဲ့မေတ္တာတရားတွေနဲ့
ဖုံးအုပ်ထားတဲ့ကောင်းကင်ပြာအောက်က
အဲ့ဒီကမ္ဘာငယ်လေးထဲမှာ
ကျွန်တော်ရှိတယ် . . . သူရှိတယ်
သူတို့တွေလည်း ရှိကြတယ် . . . ။ ~ ။
လိုနေသူတွေကို အားဖြည့်ရင်း … ငိုနေသူတွေကို ထွေးပွေ့ ခြင်းတွေနဲ့  . . .
♥မိုးစွတ်နေ♥
အမာခံမန်ဘာ
http://savetheaged.ning.com
Save The Aged (ရန်ကုန်)
၂၃.၀၂.၂၀၁၂
ကြာသပတေးနေ့
p.s >>> စိတ်ကူးပေါက်ပေါက်နဲ့ ရေးလိုက်မိတဲ့ ရေးလက်စ တန်းလန်း ကဗျာလေးပါ ။
ဒါပေမယ့် ကျွန်တော့်သူငယ်ချင်းက ရေးလက်စ တန်းလန်းသာဆိုတယ်
ကောင်းလိုက်တာ...ကွက်စိ ကွက်တိ Heart ကိုထိ၏...ဆိုလို့ ~ ~ ~ ဘာမှကို ထပ်မပြင်တော့ဘူးဗျာ . . .း)
No comments:
Post a Comment