ဖွားချစ်နေထိုင်သော မြောက်ဒဂုံ စက်မှုဇုန်တွင် ယခုတလော လျှပ်စစ်မီးမကြာခဏ
ပျက်သဖြင့် ဘုရားမီးနှင့် မိမိအတွက် အလင်းရစေရန်
ဖယောင်းတိုင်ထွန်းညှိပြီး ဖယောင်းတိုင်မီး၏ အလင်းရောင်ဖြင့် နေရပါသည်။
တစ်နေ့တွင် အမှတ်တမဲ့ ဖယောင်းတိုင်မီးကို ကြည့်မိရာမှ သံဝေဂရရှိခဲ့ပါသည်။
ဖယောင်းတိုင်သည် ပတ်ဝန်းကျင်ကို အလင်းပေးနိုင်ရန်အတွက် မိမိကိုယ်တိုင်
မီးလောင်ကျွမ်းစေပြီး တဖြည်းဖြည်း အရည်ပျော်ကာ မူလသန့်ရှင်းဖြူဖွေးသော
ဖယောင်းတိုင်ဘ၀မှ ဖယောင်းရည်ဘ၀ ၄င်းမှ အခိုးအငွေ့ဘ၀နှင့် နောက်ဆုံး
ပျောက်ကွယ်သွားသည်အထိ လူသားများနှင့်ပတ်ဝန်းကျင်ကို အလင်းရောင်ပေးကာ
မိမိဘ၀နှင့်လဲ၍ တာဝန်ကျေပွန်စွာထမ်းဆောင်ပေးခဲ့
သော ဖယောင်းတိုင်၏ဘ၀ကို
စာနာခြင်းနှင့် အတူ မိမိတို့အဘိုးအဘွားများ၏ ဘ၀နှင့် နှိုင်းဆမိပြီး
မမြဲခြင်းသဘောကို ဆင်ခြင်မိကာ သံဝေဂရရှိပါသည်။
ဖယောင်းတိုင်ကဲ့သို့ပင် ဖွားချစ်တို့ အဘိုးအဘွားများသည်လည်း
ငယ်ရွယ်သောဘ၀၊ နုပျိုသောဘ၀၊ လှပသောဘ၀၊ ခွန်အားရှိသောဘ၀၊
အသိဥာဏ်ကြွယ်ဝသောဘ၀၊ အားမာန်အပြည့်ရှိသောဘ၀များစွာကို မိမိအတွက်၊
မိသားစုအတွက်၊ မိမိပတ်ဝန်းကျင်အတွက်၊ မိမိရပ်ကွက်နှင့် မြို့ရွာအတွက်၊
မိမိဌာနအတွက်စသည်တို့ တိုးတက်ကောင်းမွန်ပြည့်စုံစေရန်
အားကုန်အသုံးချရင်း၊ တာဝန်ထမ်းဆောင်ရင်းဖြင့် တဖြည်းဖြည်း အချိန်ကုန်
အားအင်ကုန် အရွယ်ကုန်လွန်ပြီး နောက်ဆုံးမှာ အားကုန်လူပန်းဖြစ်ကာ
စိတ်သွားတိုင်းကိုယ်မပါ နွမ်းလျပြီး မိမိဘ၀လမ်းကိုပင်
ဖြောင့်အောင်မလျှောက်နိုင်သော ဘ၀သို့ ရောက်ရှိသောအခါ ဖေးမကူညီမည့်သူမဲ့ကာ
အထီးကျန်အားငယ်စွာဖြင့် မီးစာကုန်ဆီခမ်းသော ဖယောင်းတိုင်ဘ၀နှင့်
ထပ်တူညီစွာ ခံစားကြရပါသည်။
တစ်နည်းဆိုရသော် လူ့ဘ၀ကို နေ့တစ်နေ့တာနှင့် ဥပမာပေးရလျှင်
အဘိုးအဘွားများ၏ဘ၀များသည် ညနေဆည်းဆာချိန်ကို ရောက်ရှိနေကြသောသူများပင်
ဖြစ်ကြပါသည်။ တစ်သက်တာလုံး ရုန်းကန်လှုပ်ရှားနေခဲ့ကြရပြီး
ညနေဆည်းဆာချိန်ကို ရောက်ရှိသောအခါ အထီးကျန်နေသော အဘိုးအဘွားများ၏
ဘ၀ဆည်းဆာများသည် ငြိ်မ်းအေးစွာ ကုန်ဆုံးစေရန်အတွက် အဓိကလိုအပ်ချက်မှာ
စေတနာ၊ မေတ္တယ၊ ဂရုဏာနှင့် ပြည့်စုံသောအကြင်နာတရားများပင်ဖြစ်ပါသည်။
ဤအကြင်နာ မေတ္တာတရား များနှင့် ခွန်အားပါသော လက်များဖြင့် လမ်းလျှောက်သင်စ
အရွယ်ကကဲ့သို့ ဘ၀ဆည်းဆာချိန်ကို တစ်လှမ်းချင်း ကျော်ဖြတ်နိုင်ရန်
ဖေးမကူညီမည့်လက်များ များစွာလိုအပ်ပါသည်။
အဆိုပါအကြင်နာမေတ္တာနှင့် ခွန်အားအပြည့်ပါသောလက်များဖြင့် Save The Aged
သည် ဘ၀ဆည်းဆာချိန်ရောက် အဘိုးအဘွားများကို ကမ်းလင့်ဖေးကူလျက်ရှိပါသည်။
ဤသို့ ကမ်းလင့်ဖေးကူသော Save The Aged အသင်းဝင်များ၏
ခွန်အားပါသောလက်များသည် အဘိုးအဘွားများ၏ လျှောက်လှမ်းရမည်ဖြစ်သော
လမ်းပင်၊ ဘ၀ပင်ဖြစ်ပါသည်။ Save The Aged အသင်းဝင်များသည်
ဆည်းဆာချိန်ရောက် အဘိုးအဘွားများကို ကူညီဖေးမရန်အတွက် အပြုံးကိုယ်စီဖြင့်
ခွန်အားပါသောလက်များနှင့် ကမ်းလင့်ကြိုဆိုကြပါသည်။
ဤကမ်းလင့်ခြင်းသည်ပင်လျှင် Save The Aged သည် ဘိုးဘွားများအတွက်
အားကိုးရာမှီခိုရာဖြစ်ပြီး ခွန်အားအသစ်ကိုလည်း ဖြစ်ပေါ်လာစေပါသည်။
အဘိုးအဘွားများ၏ ဘ၀တည်ငြိမ်ရေးအတွက် စားဝတ်နေရေးဟူသော အရေးပါဆုံးသော
လိုအပ်ချက်များ ပြည့်စုံစေရန် Save The Aged သည် အတတ်နိုင်ဆုံး
ဖြည့်ဆည်းပေးလျက်ရှိပါသည်။ ထို့အပြင် တစ်နေရာစီဖြစ်နေကြသော
အဘိုးအဘွားများ ကိုလည်း တစ်နေရာတည်း တစ်စုတည်းတွင် အေးချမ်းစွာ
နေထိုင်နိုင်ရန်အတွက် ဘိုးဘွားရိပ်သာတစ်ဆောင်ကို ဆောက်လုပ်ရန်မူလကပင်
ရည်ရွယ်ခဲ့ကြပါသည်။ ရည်ရွယ်သည့်အတိုင်း Save The Aged ၏
ဘိုးဘွားရိပ်သာကြီး ဆောက်လုပ်ပြီးစီးကာ ယနေ့ယခုတွင်ပင်
ဘိုးဘွားရိပ်သာဖွင့်လှစ်ပွဲနှင့် Save The Aged အသင်း၏
ပဉ္စမမြောက်နှစ်ပတ်လည်နေ့ကို တစ်ပြိုင်တည်းကျင်းပနေခဲ့ပါပြီ။
ဤရိပ်သာကြီးတွင်လည်း အဘိုးအဘွားမျာကို ကြောင့်ကြမဲ့စွာ
ထားနိုင်ကြတော့မည်ဖြစ်ပါသည်။ ဤသည်မှာ Save The Aged အသင်းဝင်များ၏
စုပေါင်းဦးဆောင်မှု၊ စုပေါင်းကြိုးပမ်းမှုနှင့် ဦးတည်ချက်မပျက်
စည်းလုံးညီညွှတ်စွာ ဆောင်ရွက်မှုတို့ကြောင့် အသင်းကြီး တည်ထောင်သည့်နေ့မှ
ယနေ့ ငါးနှစ်ပြည့်တွင်ပင် ဘိုးဘွားရိပ်သာကြီးကို အောင်မြင်ပြီးစီးအောင်
အကောင်အထည်ဖော် ဆောင်ရွက်နိုင်သော အောင်မြင်သောအသင်းကြီးတစ်သင်းအဖြစ်လည်း
ဂုဏ်ပြုမှတ်တမ်းတင်အပ်ပါသည်။
Save The Aged သည် ဘိုးဘွားရိပ်သာဆောက်လုပ်ပြီးစီးပြီဖြစ်သဖြင့်
အဘိုးအဘွားများအား ရိပ်သာတွင် ခေါ်ဆောင်ထားရှိကာ အဘိုးအဘွားများ၏ လူမှုဘ၀
အစစအရာရာတွင် ကြောင့်ကြမှုမရှိ၊ ပူပင်သောကမရှိစေရန် ဖြည့်ဆည်း
ဆောင်ရွက်သွားမည်ဟုလည်း ခန့်မှန်းသိရှိရပါသည်။ ထို့အပြင်အဘိုးအဘွားတို့၏
ကျန်းမာရေးကို စောင့်ကြည့်ရန်အတွက် ဆေးဝန်ထမ်းများထားရှိမည်ဟုသိရပါသည်။
ထို့ကြောင့် Save The Aged ၏ အရိပ်အာဝါသအောက်တွင် အစောင့်ရှောက်ခံ
အဘိုးအဘွားတို့၏ ဘ၀နေ၀င်ချိန်သည် ပူပင်သောက ကြောင့်ကြမှုကင်းဝေးပြီး
အေးငြိမ်းမှုကို ရရှိကြပါတော့မည်။ အဘိုးအဘွားတို့၏
ဘ၀များသည်အေးချမ်းရပါပြီ။ ငြိမ်းအေးရပါပြီ။ သောကများကင်းဝေးရပါပြီ။
ဤသို့ဖြင့် နှလုံးစိတ်ဝမ်း အေးချမ်းကာ ဘ၀ကူးကောင်းအောင်
အားထုတ်နိုင်ကြပါတော့မည်။ ဤသည့်ကောင်းမှုကြောင့် အဘိုးအဘွားများလည်း
ဝမ်းသာပီတိဖြစ်ပြီး ကျေးဇူးတင်ကြည်နူးလျက်ရှိပါသည်။
သို့ဖြင့် အဘိုးအဘွားတို့၏ ရင်မှာအေးချမ်းရပါပြီ။ အနာဂတ်အတွက်
သွားရမည့်လမ်းလည်း ဖြောင့်ဖြူးရပါပြီ။ ဤသို့
အနာဂတ်လမ်းဖြောင့်ဖြူးရန်အတွက် ဖေးမကူညီ ဖြည့်စွက်စောင့်ရှောက်ပေးကြသော
Save The Aged မှ ဦးဆောင်သူများနှင့် အသင်းသားများအားလုံးတို့သည်
ကိုယ်စိတ်နှစ်ဖြာ ကျန်းမာ၊ချမ်းသာကြပါစေ။ အလုပ်အကိုင်အကြံအစည်များလည်း
တိုးတက်အောင်မြင်ကြပါစေ။ မိမိအကျိုး၊
အဘိုးအဘွားများအကျိုးနှင့်လူမှုပတ်ဝန်းကျင်အကျိုးများ
တိုးတက်ကောင်းမွန်အောင် နှလုံးစိတ်ဝမ်း အေးချမ်းစွာဖြင့်
ဆောင်ရွက်နိုင်ကြပါစေ။ Save The Aged အသင်းကြီးလည်း ဆထက်တပိုး
တိုးတက်အောင်သည့် အသင်းကြီးတစ်သင်းဖြစ်ပါစေကြောင်း
ကျေးဇူးအထူးတင်စွာဖြင့် ဆုတောင်းမေတ္တာပို့သရင်း ပဉ္စမအကြိမ်မြောက် Save
The Aged အသင်း၏ နှစ်ပတ်လည်နေ့ကို ဤဆောင်းပါးလေးဖြင့် ဂုဏ်ပြုအပ်ပါသည်။
ဖွားချစ် @ အဖွားဒေါ်သန်းတင်
အစောင့်ရှောက်ခံ အမှတ်စဉ် - STA 023
Save The Aged ဘိုးဘွားရိပ်သာ
