အလွမ်းမဲ့တမ်းချင်း: 2013

Friday, 15 November 2013

ခုနောက်ပိုင်း လူငယ်တွေရဲ့ ပလက်ဖောင်းက FB ဖြစ်လာတယ်။ ဖေ့စ်ဘွတ်ခ်စင်မြင့်တစ်ခုအဖြစ် အသုံးချလာကြတယ်။ နာမည်ကျော်ကြားဖို့အတွက် ဖေ့စ်ဘွတ်ခ်ကို အသုံးပြုရလွယ်လာတယ်။ နာမည်ကြီးဖို့ လွယ်သလို ပျက်ဖို့လည်း လွယ်တယ်။

ဘယ်လိုဖြစ်ဖြစ် ကြားခံနေရာကြီးတစ်ခုဖြစ်နေတယ်။ နစ်ကီတို့ မေမြတ်မွန်တို့ လို အသံနဲ့ ရုပ်နဲ့ နာမည်ကျော်ကြတာရှိသလို နာမည်သက်သက်ကျော်အောင်လည်း လုပ်လာကြတယ်။ ရည်ရွယ်ချက်တစ်ခုအတွက် ဖေ့စ်ဘွတ်ခ်ကို အသုံးချလာကြတယ်။ ဥပမာ ဘာညာနာမည်နဲ့
ဘာပေ့ခ်ျတွေပေါ့။

ကောင်းတဲ့ရည်ရွယ်ချက်နဲ့ သုံးစွဲတာမျိုးရှိသလို မကောင်းတဲ့ရည်ရွယ်ချက်တွေလည်း ရှိကြတယ်။

ဒီအပေါ်မှာ ဘယ်လိုမြင်ကြပါသလဲ။ ဆွေးနွေးကြပါဦး....း)

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Moesut Nay Mark Zuckerberg 2004 လောက်မှာကတည်းက အွန်လိုင်းလူမှုကွန်ယက်ကြီး
တစ်ခုအနေနဲ့ ဖန်တီး တည်ထောင်ခဲ့တယ်။ ကျွန်တော်တို့ မြန်မာနိုင်ငံက Online User တွေ
အနေနဲ့ 2007-2008 လောက်မှာ Facebook သုံးစွဲသူ Facebooker မှာ အလွန်နည်းပါးလွန်း
လှသော်လည်း ... 2010 နောက်ပိုင်းမှာ မြန်မာပြည် Facebook User တွေ ပိုမိုများပြားလာတာ
တွေ့မြင် ရတယ်။ (အဲဒီအချိန်မှာ Facebook ရဲ့အရသာကို မြန်မာပြည် Online User တွေ
တော်တော်များများ အရသာတွေ့လာကြပါပြီ။)

ဆူကာဘာဂ်ကလည်း သူ့ရဲ့ဆိုက်ကို တစ်နေ့ထက်တစ်နေ့ပိုမို တိုးတက်ကောင်းမွန်
အောင် ကြိုးစားနေသလို ... Online ပေါ်တက်တဲ့ Internet သုံးတတ်လာသူ တော်တော်
များများကလည်း တစ်နေ့ထက်တစ်ခြား Facebook ကြီးပေါ်မှာ များပြားလာခဲ့ကြတယ်။
Fake Name တွေ၊ Fake Account တွေဆိုရင် လက်မခံဘဲတားဆီးပိတ်ပင်ထားတာမျိုးပေါ့။
(ဒါပေမယ့်လည်း အဲ့လောက် ထိန်းချုပ်ရုံနဲ့ မဟန့်ထားနိုင်သေးပါဘူး။) Facebook က
သူ့ရဲ့ Social Network ထဲမှာ မရိုးသားမှု၊မမှန်ကန်မှုတွေမဖြစ်ရအောင်သူ့ဘက်ကနေ
Rules & Regulationsတွေနဲ့ ထိန်းပါသေးတယ်။

ဝါသနာတူရာ၊တူရာသမားတွေလည်း တွေ့ဆုံးနိုင်ကြတယ်။လူမှုရေးပရဟိတစိတ်ဝင်စား
သူတွေကလည်း ပရဟိတသမားအချင်းချင်းဆုံစည်းနိုင်တယ်။ နိုင်ငံရေးစိတ်ဝင်စားတဲ့
သူတွေကလည်းနိုင်ငံရေးသမားတွေနဲ့တွေ့ကြတယ်။ ပညာရေးစိတ်ဝင်စားတဲ့သူတွေ
ကလည်း ပညာရေးသမားတွေနဲ့တွေ့ကြတယ်။ စာပေ၊အဆို၊အတီး၊အက ... စတဲ့
အနုပညာဝါသနာပါသူတွေကလည်း ~ ၀ါသနာပါသူ အချင်းချင်းပေါ့။

ဒီလိုပဲ . . . ကောင်မလေးချောချောလေးတွေကြိုက်တဲ့သူတွေကလည်းကောင်မလေး
ချောချောတွေကိုတွေ့လို့ရကြ ... ကောင်လေးချောချောကိုကြိုက်တဲ့သူတွေကလည်း
ကောင်လေးချောချောတွေကိုတွေ့ကြရနဲ့ ... ကိုယ်အားသန်ရာ ၊ . . . ကိုယ့်အကြိုက်
တွေကို ဒီနေရာမှာ ထုတ်ဖော်/ရှာဖွေလို့ရတယ်လေ။ ရင်ဘတ်တူသူတွေ ဆုံစည်းလို့ရတယ်။
တူရာ၊တူရာလေးတွေ ဒီမှာ လာစုစည်းလို့ရတယ်။ ဥပမာတစ်ခုပြောရရင်လွန်ခဲ့တဲ့ 2003 ၊
2004 လောက်က ဆိုရင် အဆိုဝါသနာပါတဲ့သူတစ်ယောက် သူလုပ်ထားတဲ့ သူရဲ့
တေးသီချင်းလေးတွေကို ပရိုဂျူဆာတွေထံမရောက်ရောက်အောင် ( လက္ဘရည်ဆိုင် ၊
အခွေဆိုင် ၊ ဂိမ်းဆိုင် ၊ အ၀တ်အစားဆိုင်တွေ စူပါးမာကတ်တွေကနေ ... public ဖြစ်တဲ့
နေရာတွေကနေ ) ground ဖြန့်တော့ . . . လှုပ်ရှားကြိုးစားရတာ ~ အနည်းငယ်
ခက်ခဲတယ်။ ယနေ့အချိန်မှာတော့ ဖေ့ဘွတ်လောက်မှာ share မယ် ၊ ကိုယ်ကနေ
တစ်ဆင့် ကိုယ့်သူငယ်ချင်းတွေကို မျှဝေခိုင်းမယ် ၊ ကိုယ့်သူငယ်ချင်း
တွေကနေတစ်ဆင့် ထပ်ပြီးဖြန့်ဝေဦးမယ်ဆိုရင် . . . အချိန်အတိုင်းအတာ
(အတိုလေး)အတွင်းမှာပင် လူထုကို ထိုးဖောက်အာရုံစိုက်စေနိုင်တယ်။

ဒါက ဘာလဲဆိုတော့ Facebook က အွန်လိုင်းလူမှုကွန်ယက်တွေထဲမှာ ဖြန့်ဝေမှုအား
အကောင်းဆုံးနဲ့ သတင်းစီးဆင်းမှုနှုန်းထား လျင်မြန်လွန်းလို့ပါ။

လူတစ်ချို့က Facebook ကြီးပေါ်မှာ နာမည်ကြီးအောင်လုပ်ချင်ကြသလို လူတစ်ချို့ကလည်း
Facebook ကြီးပေါ်က နာမည်ကြီးသူအချို့ကိုမှ ခင်မင်၊ရင်းနှီး ပတ်သက်ကျွမ်းဝင်ချင်ကြတယ်။
(ဒါဟာလည်း တိုက်ရိုက် သို့မဟုတ် သွယ်ဝိုက်သောနည်းဖြင့် နာမည်ကြီးလိုခြင်းပါ။
တစ်နည်းဆိုရရင် စိန်နားကပ်ရောင်နဲ့ ပါးပြောင်ရအောင်ပေါ့။)ကောင်းတဲ့ရည်ရွယ်ချက်နဲ့
သုံးတဲ့လူကလည်း သူနဲ့စိတ်တူကိုယ်တူ၊၀ါသနာတူတွေကို တွေ့မြင်ဆုံစည်းချင်
သလို သူတို့အချင်းချင်းလှုပ်ရှားမှုတွေ ချိတ်ဆက် link မိအောင်လို့ပါ။ မကောင်းတဲ့
ရည်ရွယ်ချက်နဲ့ သုံးနေကြသူတွေကိုလည်း ဘာမှတော့ပြောလို့ရမှာမဟုတ်ဘူး ...
သူတို့လည်း သူတို့အားသန်ရာနဲ့ သူတို့ပေါ့။

တစ်လက်စတည်း ထပ်ပြောရရင် ~ ယနေ့ခေတ်မှာ လူတိုင်း Facebook သုံးလာကြသလို
Facebook Account တစ်ခုမှမရှိရင်(Facebookမသုံးတတ်ရင်) ခေတ်နောက်ကျသလို
တောင် ဖြစ်နေပါပြီ။ ဒါပေမယ့် ကျွန်တော်တို့ သတိထားရမှာက ဖေ့ဘွတ်သည်
ကျွန်တော်တို့ရဲ့ ဒုတိယပုံရိပ်ဆိုတာပါပဲ...။ ကျွန်တော်တို့နိုင်ငံက တစ်ချို့
ကုမ္ပဏီကြီးကြီးတွေဆိုရင် အလုပ်အင်တာဗျုးလျှောက်တာနဲ့ မင်းမှာဖေ့ဘွတ်ရှိလား။
ဘာနာမည်နဲ့သုံးနေလဲ ? စတာကအစ မေးတတ်ကြပြီး ... ကိုယ့်ရဲ့ ပုံရိပ်ကို ~
ပုံရိပ်ဖမ်းတဲ့အနေနဲ့တောင် လေ့လာနေကြပါပြီ ...။

နစ်ကီကြောင့်လည်းလူတွေဒုက္ခမဖြစ်ပါဘူး။ မေမြတ်မွန်ကြောင့်လည်း လူတွေဒုက္ခမရောက်
ပါဘူး။ လူတစ်စုရဲ့ အနှောက်လုပ်ရပ်ကြောင့် ဖန်တီးထားတဲ့ (လူမှုရေးပဋိပက္ခဖြစ်ပွားအောင်
လုပ်နေကြတဲ့ပေ့ခ်ျ၊ ဘာသာရေးအဓိကရုဏ်း ဖြစ်အောင် ဆူပူအုံကြွနေကြတဲ့ပေ့ခ်ျ၊ နိုင်ငံရေး
ပြဿနာဖြစ်ပွားအောင်လုပ်နေတဲ့ပေ့ခ်ျ၊ ကိုယ်ကျိုးရှာအမြတ်ထုတ်နေကြတဲ့ပေ့ခ်ျ)
အဲဒီပေ့ခ်ျတွေကြောင့်သာ လူတွေ ဒုက္ခဖြစ်သွားနိုင်တယ် . . . ။

(((အဘရေ ... ခင်ခင်မင်မင်နဲ့ ကျွန်တော့်အမြင်လေး ၀င်ဆွေးနွေးသွားပါတယ်။)))
ပြောရတာ ရှည်တော့လည်း . . . မောထှာ :P

Wednesday, 13 November 2013

Save The Aged (၄)နှစ်ပြည့် အထိမ်းအမှတ်စာမူပြိုင်ပွဲ

သက်ကြီးရွယ်အို စောင့်ရှောက်ရေးနှင့်ထောက်ပံ့ရေး ပရဟိတအသင်း ( Save The Aged ) ၏ အသင်းဝင်များနှင့် စာပေချစ်မြတ်နိုးသူ အပေါင်းတို့ခင်ဗျာ -

ဇန်န၀ါရီလ ( ၃ ) ရက် ၊ ၂၀၁၄ ခုနှစ်တွင် ကျရောက်မည့် Save The Aged အသင်း၏ (၄) နှစ်ပြည့်အထိမ်းအမှတ်အဖြစ်
ဝတ္တု နှင့် ဆောင်းပါး စာမူပြိုင်ပွဲအားပြုလုပ်ကျင်းပမည် ဖြစ်ပါသဖြင့် စာပေချစ်သော မိတ်ဆွေများနှင့်
ပရဟိတနယ်ပယ်အသီးသီးမှ မည်သူမဆို အားလုံးပျော်ရွှင်စွာ ပူးပေါင်းပါဝင်ဆင်နွှဲနိုင်ပါကြောင်း သတင်းကောင်းပါးအပ်ပါတယ် ..။

ကျင်းပရသည့် ရည်ရွယ်ချက် - ရသစာပေချစ်မြတ်နိုးသူ အဖွဲ့ဝင်များအချင်းချင်း စည်းလုံးချစ်ခင်ရင်းနှီးမှု တိုးပွားရရှိစေရန်။
- ပရဟိတအကျိုးဆောင်ရွက်လိုစိတ်များကို ရသစာပေဖြင့် နှိုးဆွပေးရင်း စာရေးစာဖတ် အကျင့်ကောင်းပါ ရရှိလာစေရန်။
- အွန်လိုင်းပရဟိတအဖွဲ့ဖြစ်သည်နှင့် လျော်ညီစွာ အွန်လိုင်းပေါ်တွင် စာပေပြိုင်ပွဲများပြုလုပ်ပေးခြင်းမှတဆင့် အဖွဲ့၏ ရည်ရွယ်ချက်၊ ခံယူချက်များ၊ လှုပ်ရှားဆောင်ရွက်မှုများကို အများပြည်သူ သိရှိလာနိုင်စေရန်။

ပြိုင်ပွဲအမျိုးအစား ၁။ ၀တ္တု
- ၀တ္တုတို (ဇော်ဂျီဖောင့် ၁၀, A4စာရွက် ၃ မျက်နှာထက်မရှည်ရ)
- ၀တ္တုရှည် (ဇော်ဂျီဖောင့် ၁၀, A4စာရွက် ၆ မျက်နှာထက်မရှည်ရ)

၂။ အက်ဆေး/ ဆောင်းပါး
ဇော်ဂျီဖောင့်ဆိုဒ် ၁၀, A4စာမျက်နှာ ၃မျက်နှာထက်မရှည်ရ။

မှတ်ချက် ။ စာမူများကို အဖွဲ့ဆိုက်တွင် ပြန်လည်တင်ပြပေးမည်ဖြစ်ပါ၍ စာမူရေးသား ရာတွင် ဇော်ဂျီဖောင့်ဆိုဒ်(၁၀)ဖြင့်သာရေးသား
စေလိုပါသည်။ အကယ်၍ အခြားဖောင့်များ အသုံးပြုထားပါက ၄င်းစာမူများအား ပြိုင်ပွဲအတွက် ထည့်သွင်းစဉ်းစားပေးမည်မဟုတ်ပါ။

စာမူစတင်လက်ခံရက်/ စာမူနောက်ဆုံးပိတ်ရက်

နိုဝင်ဘာ (၁၀) ရက်/ ဒီဇင်ဘာ (၁၀)ရက်အထိ

ဆုရသူစာရင်းကြေညာချက်

ဒီဇင်ဘာ(၁၅)ရက်
မှတ်ချက် ။ ဆုရရှိသူများကို Save The Aged (၄)နှစ်ပြည့် အခမ်းအနားတွင် ဂုဏ်ပြုဆုများချီးမြှင့်သွားမည်ဖြစ်ပါသည်။

စာမူပေးပို့ရမည့် အီးမေးလ်လ်ိပ်စာ
savetheaged.editor2013@gmail.com

အမှတ်ပေးစည်းမျဉ်းများ

၁။ ပရဟိတနှင့်သက်ဆိုင်သော ခံစားရေးဖွဲ့မှုများ (သို့) STA နှင့် ပတ်သက်ဆောင်ရွက်မှုများဖြင့် ပရဟိတဆန်သောပုံရိပ်များကို ထင်ဟပ်စေအောင် ပီပီပြင်ပြင် ရေးဖွဲ့နိုင်ရမည်။
၂။ စာမူတွင် ခေါင်းစဉ်၊ ရေးသားသူများ၏ကလောင်အမည်နှင့်တကွ၊ ကိုယ်တိုင်ရေးဖြစ်ကြောင်းကို ရှင်းလင်းထင်ရှားစွာရေးသား
ဖော်ပြရမည်။
၃။ စာလုံးပေါင်းသတ်ပုံသတ်ညွှန်းမှန်ကန်မှုကို အမှတ်ပေးစည်းမျဉ်းတွင် ထည့်သွင်းစဉ်းစားမည်။
၎။ သတ်မှတ်ရက် နောက်ပိုင်းမှ ရောက်ရှိလာသည့် စာမူများကို ပြိုင်ပွဲတွင် ထည့်သွင်းစဉ်းစား မည်မဟုတ်ပါ။
၅။ သတ်မှတ်ထားသည့် စာမျက်နှာကျော်လွန်နေသူများ၊ ဇော်ဂျီဖောင့်အစား တခြားစာလုံးဖောင့် အသုံးပြုထားသည့် စာမူများအား ပြိုင်ပွဲတွင် ထည့်သွင်းစဉ်းစားမည်မဟုတ်ပါ။

သို့ဖြင့်၍ ပါဝင်ယှဉ်ပြိုင်သူများအနေဖြင့် သတ်မှတ်ချက်များအတိုင်း ပျော်ရွှင်စွာဖြင့် ပူးပေါင်းပါဝင် ယှဉ်ပြိုင်စေလိုပါသည်။ သမာသမတ်ကျကျ စီစစ်ရွေးချယ်မည်ဖြစ်၍ စာမူပြိုင်ပွဲနှင့် ပတ်သက်၍ သိရှိလိုပါက အကဲဖြတ်အဖွဲ့၏အီးမေးလ် savetheaged.editor2013@gmail.com သို့ တိုက်ရိုက်မေးလ်ပို့ မေးမြန်းနိုင်ပါသည်။ ပြိုင်ပွဲပြီးဆုံး၍ စာမူဆုရစာရင်းများကြေငြာသည့်အချိန်တွင် အကဲဖြတ်ဒိုင်များ၏ အမည်များကိုပါ ပူးတွဲဖော်ပြပေးသွားမည် ဖြစ်ပါသည် ။ ပုဂ္ဂိုလ်ရေးဆက်သွယ် မေးမြန်းခြင်းများအား လက်ခံဖြေကြားမည်မဟုတ်ပါ။ ဆုံးဖြတ်ချက်များသည် အကဲဖြတ်အဖွဲ့၏ ဆုံးဖြတ်ချက်သာ ဖြစ်ပါသည်။

Save The Aged တွင် ရသစာပေဖွံ့ဖြိုးရှင်သန်စေ၍ ပရဟိတတွဲလက်များဖြင့် ကမ္ဘာမြေကို အလှဆင်နိုင်ကြပါစေ။

စာမူအကဲဖြတ်အဖွဲ့
Save The Aged (၄)နှစ်ပြည့်
အမှတ်တရစာမူပြိုင်ပွဲ

Friday, 8 November 2013

Fighting !!!

ရှင်သန်ကြီးထွားပုံခြင်းမတူတဲ့အခါ

အခြေအနေအကြောင်းတရားတွေကွဲပြားတတ်တယ်။

အနေခက်တဲ့ ဘ၀တွေထဲမှာရောက်ခဲ့ရင်တောင်မှ

နေတတ်ဖို့ ၊ ဖြေတတ်ဖို့ နဲ့

(လောကမှာ) ဘယ်အတွက်နဲ့မှ

စိတ်ပျက် အားမငယ်ဖို့ အရေးကြီးတယ် . . . ။ :)

Image Source : https://blogger.googleusercontent.com/img/b/R29vZ2xl/AVvXsEh0Ja04Uf4bftoh4TUhIJFE2QOnMy7UOX8hlMXHIlMXYy6KgXb9xyu_kyO3-a-kxEn3oFT9SVOXzMkNqoFaDjvSzS1FoQzYdLhDy7Z2kP1WGN8z2xcwIcXyzAnHtKba670xYlqmwKYGeBrE/s1600/irra-6.jpg

နာယကဂုဏ် (၆)ပါး နှင့် အ နာယကဂုဏ် (၆)ပါး

နာယကဂုဏ် (၆)ပါး

နာယကဂုဏ် (၆)ပါး

၁။ ထကြွ
၂။ နိုးကြား
၃။ သနား
၎။ သည်းခံ
၅။ ဝေဖန်
၆။ ထောက်ရှု ဤခြောက်ခု ကြီးသူနာယက ။

အ နာယကဂုဏ် ( ၆ ) ပါး

“ဂဏန်း၊ ပုတ်သင်၊ ကိုင်းပင် ၊ လိပ်မျိုး ၊ နွားသိုး၊ ခွေးအ၊"
ဤခြောက်ဝ နာယက မတင်ထိုက်။”

၁။ ဂဏန်း = လက်မထောင်ခြင်း
၂။ ပုတ်သင် = ပြောသမျှခေါင်းငြိမ့်ခြင်း
၃။ ကိုင်းပင် = လေသင့်ရာယိမ်းတတ်ခြင်း
၎။ လိပ်မျိုး = မိမိဘက်သို့ယက်တတ်ခြင်း
၅။ နွားသိုး = ရှူးရှူးဒိုင်းဒိုင်းလုပ်တတ်ခြင်း

၆။ ခွေးအ = ကောက်ကျစ်ခြင်း ဤခြောက်ဝ မှတ်ပါ အနာယက ။

ဂဏန်းသည်
တည့်တည့်မသွား။
ဘေးတိုက်သွား၏။
ငါတည်းဟူသောမာနနှင့်
လက်မတထောင်ထောင်ရှိလှ၏။
ပုတ်သင်သည်
ရာသီအလိုက် အရောင်ပြောင်းတတ်၏။
မှန်သည်မှားသည်။သင့်သည် မသင့်သည်။ မစဉ်းစား။
နေရာတိုင်းမှာ ခေါင်းတညိတ်ညိတ်ရှိ၏။
ကိုင်းပင်သည်
မားမားမတ်မတ်မရှိ။
လေယူရာယိမ်း၏။ ဆိတ်ခလောက်နှင့် ဆင်တူ၏။
သို့သော် သူတပါးအပေါ်၌
စိုးမိုးအုပ်ချုပ်လိုသော ဆန္ဒအမြဲရှိ၏။
လိပ်သည်
လေးတုန့်နှေးကန်စွာသွားလာတတ်၏။
ယက်လေသမျှဝမ်းဗိုက်အောက်သို့သွင်း၏။
ရလေသမျှငါ့ဥစ္စာချည်းဟုထင်၏။
တစ်ကိုယ်ကောင်းဆန်လွန်းသောကြောင့်
ကိုယ့်ဘက်ကိုယ်ယက်သောလိပ်ဟုပင်စကားပုံပြုကြ၏။
နွားသိုးသည်
ရှူးရှူးရှဲရှဲနှင့် ဒေါသထွက်လွယ်၏။
မြင်သမျှနွား ငါ၏ပြိုင်ဘက်ဟုထင်၏။
မိန်းမမြင်သော် ကြိုးပြတ်အောင် ရုန်းသောကြောင့်
နွားသိုးကြိုးပြတ်ဟု ခိုင်းနှိုင်းပြောဆိုကြ၏။
ခွေးအသည်
သူတပါးအူသံကြားသော်လိုက်၍အူ၏။
အူသော်လည်းဘာမှအရာမထင်။
ကျိုးကြောင်းရှိမရှိကို မစဉ်းစား။
မိမိအူသံဘယ်သို့ ရှိသည်ကိုမသိ။

ဤသို့ဖြင့် အထက်ပါအချက်တို့မှ တပါးပါးဖြင့်သော်လည်းကောင်း အားလုံးဖြင့်သော်လည်းကောင်း
ငြိစွန်းခဲ့သော်ဤသူကိုခေါင်းဆောင် မတင်သင့်ဟူ၍နောင်လာနောက်သား ပြည်သူအများတို့အား
ရှေးမြန်မာပညာရှိတို့ လမ်းညွှန်ပြခဲ့ကြသည်။

from googling

Thursday, 7 November 2013

ဆရာကြီး | ခေါင်းဆောင်

ကျွန်တော် ရောက်ဖြစ်ခဲ့တဲ့ ရုံးတစ်ရုံးမှာ ကပ်ထားတဲ့စာသားလေးတွေကို သဘောကျလို့ အခုလို နံရံကပ်ပိုစတာ ဒီဇိုင်းလေး လုပ်ထားတာပါ . . . ။ :)

မျက်စိတွေစူးစူးစိုက်စိုက်နဲ့ကြည့်ရအောင် ...

Image Source : googling

ဘာရယ်မဟုတ်ပါဘူး။ အစေ့လေးတွေလှုပ်ခတ်နေတာလေးကို ကြည့်ရင်း မျက်စိပဒါသ ဖြစ်စေကြဖို့ပါ။

Wednesday, 6 November 2013

“လရောင်မှိန်တဲ့ညတစ်ည”

Thursday, August 11, 2011 at 10:01pm ·

“လရောင်မှိန်တဲ့ညတစ်ည”

မျက်ဝန်းမှာ မိုးတွေရွာမှ

မျက်ရည်ကျတာတဲ့လား မကြည်ပြာ

အဲဒီ့ကောင်ရဲ့ ညမှာ

၁၂ရာသီလုံး အလွမ်းတွေ အုံ့ ဆိုင်းခဲ့တာ

မျှော်လင့်ချက်တွေတောင် အရောင် မှုန်မှိုင်းလာပြီ

ကာရံမညီပါဘူး မကြည်ပြာရယ်

ခင်ဗျားမသိတဲ့ ဘာသာစကား

ဟောဒီ ၀ဲဘတ်ရင်ခွင်ထဲမှာ

ခဏခဏ ထုတ်လွှင့်ကြေငြာနေတယ် . . .

နားနဲ့ သာနားထောင်ခဲ့ရင်တော့

ငါလိုကောင်ရဲ့ စကား

နင်ဘယ်တော့မှ ခံစားတတ်မှာမဟုတ်ဘူး . . .

ခင်ဗျား မျက်ဝန်းမှာ မိုးတွေရွာတော့

ကျွန်တော် ပျော်မယ်ထင်သလား မကြည်ပြာ . . . ။ ~ ။

Tuesday, 5 November 2013

"သူမနေထိုင်တဲ့မြို့ (သို့ ) ကြယ်ရောင်ငတ်တဲ့ည"

" သူမနေထိုင်တဲ့မြို့(သို့ ) ကြယ်ရောင်ငတ်တဲ့ည "

11 February 2011 at 17:02

ကြယ်ကိုမမြင်ရတဲ့မြို့ 

အဲ့မြို့ မှာ သူမနေတယ်

သူမ နေရာအရပ် ... ကြယ်တွေမလင်းဘူး

မြို့ အလှနဲ့ သဘာဝကိုခံစားဖို့ 

လည်တံကလေး ခပ်မော့မော့နဲ့ 

မိုးပေါ်ကို မော့လို့ ကြည့်တယ် ...

ညဖြစ်တယ်

ညဉ့်နက်တယ်

ဒါပေမယ့် ... ကြယ်တွေမထွက်ကြဘူး ...

ဖွံ့ဖြိုးမှုနည်းပညာနဲ့ 

တိုးတက်တဲ့စက်မှုမြို့ မှာ

ဒါဟာ ... လစ်လပ်နေတဲ့

သဘာဝတရားရဲ့ ကွက်လပ်ပဲလို့ 

သူမ တွေ့ ရှိသွားတယ် ...

မနေ့ ညက ငါတို့ မြို့ မှာ

ကြယ်တွေ ကြွေကြတယ်

ကြယ်တွေစုံတဲ့ညအကြောင်းကို

နင့်ကိုငါပြောပြတော့

နင် သဘောကျမှာပေါ့ ...

နင်တို့ မြို့ မှာ

ဘာဖြစ်လို့ ကြယ်မလင်းတာလဲဟေ ... လို့ 

ငါခဏခဏမေးခဲ့တယ် ...

"ဖွံ့ ဖြိုးမှုစွမ်းအားတွေက

လွတ်လပ်တဲ့ သဘာဝတရားကို

ဖမ်းစားထားကြလို့ များ

ကြယ်တွေ ညမထွက် အားတာလား"

"မေတ္တာတရားငတ်တဲ့ အရပ်မှာ

ကြယ်တွေ ညဘက်မထွက်တာ

အဆန်းတော့ မဟုတ်ပါ " တဲ့

ငါ့'အမေးကို ပြုံးပြုံးလေးဖြေပေးတတ်တဲ့နင် ...

တကယ်ဆို နင်မြင်ချင်တဲ့ ကြယ်တွေ

အဲ့မြို့ မှ ခုထိမလင်းသေးဘူး

နင်တို့ မြို့  ... အဲ့မြို့ မှာ

ကြယ်တွေလင်းဖို့  ခွန်အားမရှိဘူး ...

သူမနေတဲ့အရပ်

ခါးသက်သက် ကော်ဖီတစ်ခွက်လိုပဲ

အဲ့ဒီ့ဘက်မှာ ...

ခုထိ ကြယ်မထွက်ရှာဘူး ... ။ ~ ။

♥MOESUTNAY♥

11.2.2010

( Fri : )

3:00 p.m.

Monday, 4 November 2013

"Save The Aged တို့ရေးတဲ့ပန်းချီ"

moesutnay on December 1, 2011 at 9:44pm

တစ်ချို့တစ်ချို့တွေက

စုတ်တံဖွဖွလေးနဲ့

ကောက်ကြောင်းခြစ်ကြတယ် ...

တစ်ချို့တစ်ချို့တွေက

ဆေးရောင်လှလှလေးနဲ့

ပန်းချီဆွဲကျင့်ကြတယ် ...

ကျွန်တော်တို့ ကျွန်တော်တို့တွေက

မေတ္တာတရားတွေအရံသင့်နဲ့

ပန်းချီဆွဲဖို့ ကျင့်နေကြတယ် ...

အသွေးအရောင် စုံချင်မှစုံမယ်

အစအဆုံး ညီချင်မှညီမယ်

သို့ပေမယ့် . . .

ဒါဟာ အလှဆုံးပန်းချီတစ်ချပ်ဖြစ်နိုင်တယ် ... ။

Moesut Nay

www.savetheaged.ning.com

Save The Aged ၏ ( ၂၃ )ကြိမ်မြောက် လစဉ်အလှူ
( မြိုင်အလှူ ) ပို့စ်အတွက် ရေးသားရင်း ဖြစ်ပေါ်သည့်ခံစားမှု !!!

Sunday, 3 November 2013

"အိပ်မက်လေးရဲ့  ~ မီးပုံးပျံ"

24 October 2010 at 00:37

ကျွန်တော့်နာမည်က အိပ်မက် ပါ ။ အိပ်မက်ဆိုလို့"အိပ်"တာမက်တဲ့ကောင်လို့ တော့
မထင်လိုက်နဲ့ ဦးနော် ...။ ကျွန်တော်က ကစားသမားဗျ ။ အဆော့တအားမက်တာ ။
ကစားတဲ့၊ဆော့တဲ့နေရာမှာ မျောက်ရှူံးအောင်ကိုပဲဗျာ...။လူ'သာပြောင်းသွားမယ်
အိပ်မက်'တို့ အဆော့မပျက်ဘူးဆိုသလိုပေါ့...ကျွန်တော်နဲ့ ကစားပေးတတ်ကြတဲ့
ကစားဖော်တွေ၊အပေါင်းအသင်းတွေသာ ~ တစ်ဦးနဲ့ တစ်ဦး ၊ လူချိန်းလို့ ပြောင်းလဲ
သွားလိမ့်မယ်...။ကျွန်တော်ကတော့ ပင်တိုင်စံ'ပါ ။ဒီလိုလူစား ကျွန်တော့်အတွက်တော့
အခုလိုရာသီပွဲတော်လေးဟာ ... ကျွန်တော်စိတ်ကြိုက် ဆော့ဖို့ အရေး လေပေးသင့်ပေး
နေသလိုပါပဲဗျာ ... ။

"၀ါလကင်းလွတ် ~ သီတင်းကျွတ်ပြီ" ဆိုတော့ ... ငယ်ငယ်ကရွတ်ဆိုဖူးတဲ့ကဗျာလေးကို
သွားသတိရကာ ...
သီတင်းကျွတ်ပြီ...
မီးပုံးပျံလွှတ်ကြရအောင်
မီးစာကို ရေနံဆွတ်ပါ
မိုးလွတ်ပါမည်လား ... ။ဆိုသလိုပဲ ... ကျွန်တော်လည်း မီးပုံးပျံလေးတစ်လုံးလွှတ်တင်ချင်လို့
ရှိစု၊မဲ့စုမုန့် ဖိုးလေးနဲ့  မီးရှူး၊မီးပန်းဆိုင်ကိုအပြေးလေးသွားလို့  မီးပုံးလေးဝယ်လာခဲ့တယ် ...။

မီးပုံပျံဆိုတဲ့အရာမျိုးကလည်း ... တစ်ဦးတစ်ယောက်ထဲကစားလို့ အလုပ်ဖြစ်တဲ့အရာမှ
မဟုတ်တာလေ။ အဲ့တော့ ... ကျွန်တော့်မှာအပေါင်းအဖော်တွေရဲ့ အကူအညီလေးယူလို့ 
မီးပုံးလေး လေပေါ် လွှတ်ရဦးမှာပေါ့...ကျွန်တော့်ကို တစ်ချက်လောက်ကူကြပါဦးဗျာ...
ဆိုတာနဲ့  ။ အနီးအနားမှာရှိကြတဲ့ ကိုဇွဲတို့ ညီအစ်ကိုတွေ(ကိုဇွဲ ၊ ကိုလုံ့လ ၊ ကိုဝီရိယ)နဲ့ 
ကိုပညာတို့ က အပြေးလေးအနားလာလို့  မီးပုံးလေးမှိုင်းဝကာ ၊ တည့်မတ်ဖို့  အရေး
ဝိုင်းကူလို့ ပေးတယ်လေ ... ကိုရီးယုံလို့ ခေါ်တဲ့ (ကိုယုံကြည် ) ကတော့ မီးစာတံကလေးကို
မီးရှိူ့ ကာ ပေးလို့ ... ကျွန်တော် အိပ်မက်လေး လွှတ်တင်နိုင်လိုက်ပါပြီ...။

တကယ်တမ်းတော့ မီးပုံးပျံဆိုတဲ့အရာလေး ဟိုးမြင်မြင့်ကို ကောင်းမွန်၊တည့်မတ်စွာ ပျံသန်းနိုင်ဖို့ 
အရေးမှာ... အိပ်မက်လေးတစ်ယောက်ထဲနဲ့  မစွမ်းနိုင်ပါဘူးဗျာ...။အစ်ကိုတော်များဖြစ်ကြတဲ့ဇွဲ ၊
လုံ့လ ၊ ၀ီရိယ ၊ ပညာ နဲ့ ယုံကြည် တို့့ကြောင့်သာလျှင် ဟိုးမိုးသားထက်မှာ မီးပုံးလေး
အမြင့်တက် ပျံသန်းနိုင်တော့တာပါပဲလေ ...

အကယ်၍သာ အိပ်မက်လေး လုပ်ချင်၊ဖြစ်ချင်သော်လည်း ဇွဲ ၊ လုံ့လ ၊ ၀ီရိယ ၊ ပညာ နဲ့ 
ယုံကြည် တို့ ရဲ့ အကူအညီသာမပါခဲ့ပါဘူးဆိုရင် ... ကျွန်တော့် စိတ်ကူးထဲက မီးပုံးပျံလေး
ဟိုးကောင်းကင်ကိုကပ် ၊ အမြင့်တက် ပျံသန်းနိုင်မှာ မဟုတ်ပါဘူးလေ ... ။ ~ ။

♥MOESUTNAY♥
23.10.2010
9:30 p.m.

အဲလ်ဗတ်အိုင်းစတိုင်းတဲ့လား...???

29 September 2010 at 11:42

ကျွန်တော် အိုင်းစတိုင်း ကို လေးစားတယ် ~
ကျွန်တော် math graduate တစ်ယောက်မို့ 
ပြောတာလည်းမဟုတ် ...
သူရဲ့ ကမ္ဘာကြီးနဲ့ သံလိုက်အိမ်မြှောင်ဆွဲအားကိုလည်း
သဘောကျလို့ မဟုတ် ...
ကျော်ကြားတဲ့ နှိုင်းဆသီအိုရီနဲ့ အမှီသဟဲနိယာမတွေကို
ဖော်ထုတ်ခဲ့လို့ လည်းမဟုတ် ...
သူတွေးတဲ့  philosophy တစ်ချို့ ကို
နှစ်သက်လွန်းလို့ လည်းမဟုတ် ...

အိုင်းစတိုင်း ဆိုတာ ~
သူက သူ့ နိုင်ငံကိုချစ်တယ်...
ဒါပေမယ့် စစ်မဖြစ်စေလိုခဲ့ဘူး ...
လူလူချင်းတန်ဖိုးထားလို့ 
လန်ချားတောင်မစီးပါဘူးဆိုတဲ့
သူ့ စိတ်ထားကို ကျွန်တော်သဘောကျတယ် ...
မတတ်လို့ ရှောင်ရင်-ဘယ်တော့မှမသိဘူး
စပ်စုတယ်ထင်ပါစေ-သိချင်တာကိုရအောင်မေးဆိုတဲ့
သူ့ စရိုက်ကို ကျွန်တော်ကြိုက်တယ် ...

လူတစ်ယောက်ရဲ့ ပင်ပန်းမှု့ အပေါ်မှာ
အသာလေးခူးခပ်စားခြင်းဟာ
စာနာမှု့ ကင်းတယ်လို့ ပြောဖူးတယ် ...

ကမ္ဘာကြီးငြိမ်းချမ်းဖို့ အတွက်~
လက်နက်နဲ့ စစ်မက်တွေကိုတားဆီးဖို့ ရာ
ကျွန်တော်တို့ လူသားတွေရဲ့ ဆန္ဒပါတဲ့  ...

ဘာပဲဖြစ်ဖြစ်ဗျာ~
ပညာတွေတတ်ပါရက်နဲ့ 
ဂျူးလူမျိုးတွေအတွက်
လူမိုက်တစ်ယောက်လို့ သက်မှတ်ခံရရင်တောင်
ကျွန်တော်သူ့ ကိုယ်လေးစားတယ် ...

သူတတ်တဲ့ပညာက
သူ့ အတွက် လူသတ်မဲ့ပညာရပ် မဟုတ်ဘူးတဲ့လေ !!!

♥MOESUTNAY♥
16.6.2010

"ဘ၀ရထားပေါ်ကဖေဖေနဲ့ ကျွန်တော်"

26 September 2010 at 20:13

" Time and tide wait for no man "တဲ့  ... ဒီရေတွေတဖြေးဖြေးစီးဆင်းလာခဲ့သလို ...
ကျွန်တော့်အသက်လေးလည်း အခုဆို ၂၃ နှစ် ပြည့်တော့မယ် ဖေဖေ ...
ကလေးဘ၀လေးကို ကျော်လွန်ခဲ့လို့  အခုဆို လူကြီးပေါက်စန ဖြစ်နေရပြီ ဖေဖေ ...
ကျွန်တော်မြင်တာလေးတွေလည်း တဖြည်းဖြည်း ပြောင်းလဲတတ်လာပြီ ဖေဖေရေ ...
ကလေးပေါက်စန မူကြိုအရွယ်က ဖေဖေဆိုတာ ကျွန်တော့်အတွက် ခင်တွယ်စရာကောင်းတဲ့
ကစားဖော်ကြီးရယ် ... ဒီလိုနဲ့ ရယ်~ကျွန်တော့်အသက် ၁၀ နှစ်ကျော်အရွယ်မှာ ဖေဖေဆိုတာ
အာလာဒင်ဆီမီးခွက်လေးလိုပဲ~ လိုအပ်ချက် ကွက်လပ်လေးတွေကို ဖြည့်စွက်ကာ ဖြည့်ဆည်းပေး
ပြန်တယ် ... ဆယ်ကျော်သက်အရွယ် ၁၆ နှစ်ပတ်လည်ကျတော့ ဖေဖေဆိုတာ
ကျွန်တော့်ဘ၀အတွက် လမ်းပြကြယ်( Guiding Star ) လေးလို့ ကျွန်တော်မှတ်ထားခဲ့တယ်...
ကျွန်တော့်အသက် ၂၀ ကျော်တဲ့အရွယ်မှာတော့ ဖေဖေဆိုတာ တိုင်ပင်လို့ ကောင်းတဲ့
အဖော်တစ်ယောက် ၊ ရင်ဖွင့်လို့ ရတဲ့ စကားပြောဖော်ကြီး ရယ်လို့  ...
ကျွန်တော် နားလည်တတ်ခဲ့ပြန်တယ် ...

အခု ကျွန်တော့်အသက် ၂၃ နှစ်အရွယ်မှာတော့ တစ်နှစ်တစ်ခြား ၊ ရွေ့ လျား...ရွေ့ လျားလာခဲ့တာ
ကျွန်တော်မြင်ထားတာလေးတွေဟာပိုပိုပြီး များပြားလာပြီ ဖေဖေ ... ကျွန်တော်သိခဲ့ပါတယ် ...
ကျွန်တော်နားလည်ခဲ့ပါတယ် ... ဖေဖေဆိုတာ ဘယ်လိုမှ ဖွင့်ဆို/ ခွဲခြား/ထုတ်ဖော်/မြင်ပြ
ထားလို့ မရတဲ့ ပြည့်ဝသော အဓိပ္ပာယ်တို့ ရဲ့  ဂုဏ်ပုဒ်ပါပဲလေ ...

ဖေဖေ~ကျွန်တော်ဖေဖေ့ကို တအားချစ်တယ် ။ ဒါပေမယ့် မှတ်မိသလောက်တော့ လူမှန်းသိစ
ကလေးအရွယ်ကတည်းက အခုအချိန်ထိရယ်ဖေဖေ့ကို ချစ်တယ်လို့  ကျွန်တော် တစ်ခွန်းမှ
မပြောခဲ့ဖူးဘူးနဲ့ တူတယ် ။ဖေဖေလည်း မပြောဖူးဘူးနော် ... ကျွန်တော်တစ်ခါမှ မကြားဖူးဘူးလို့ 
ထင်တာပဲ ... တစ်ခါတစ်ခါ ကျွန်တော်မကျေနပ်ဘူးဖေဖေ ... ကျွန်တော် ကလေးဘ၀
ဟိုးငယ်ငယ်ကလေးကတည်းက ဖေဖေကျွန်တော့်ကို ကျောင်းလိုက်ပို့ ဖူးတာဆိုလို့ 
မူလတန်း+အလယ်တန်းမှာ လေး၊ငါးကြိမ် သာသာလောက်ပါ ... ဖေဖေမအားတဲ့ 
တာဝန်နဲ့ ဝတ္တရားတွေရဲ့ နောက်မှာ သားမျှော်လင့်တာလေးတွေ လစ်လပ်ခဲ့တယ်နော် ...
ပွဲတော်အခါသမယတွေ မိသားစု ဟိုဟိုဒီဒီ သွားချင်လို့  ချိန်းဆိုကြတိုင်းလည်း အိမ်ပြန်
နောက်ကျတတ်တဲ့ ဖေဖေကြောင့် ကျွန်တော်တို့ ပျော်ရွှင်မှု့ တွေအပြည့်အ၀မရခဲ့ပါဘူး ...
ဖေဖေမတရားဘူး ... ဖေဖေနားမလည်ခဲ့ဘူးနော် ... အဲ့အချိန်တွေတုန်းက ဖေဖေဟာ
ကုမ္ပဏီကြီးတစ်ခုက မန်နေဂျာ , ဖေဖေသုံးစွဲဖို့ ရာ ပေးအပ်ထားတဲ့ ကားလေးဟာ
မိုးလင်းလို့  အိမ်ကထွက်သွားလိုက်ရင် မိုးချုပ်မှသာ အိမ်ကို ပြန်ဝင်တတ်တော့တယ်လေ ...
တာဝန်နဲ့ဝတ္တရားဆိုတဲ့အရာတွေက ဖေဖေ့ကို ချုပ်ကိုင်ထားသတဲ့လားဗျာ ...
တစ်ခါတစ်ခါ ဖေဖေနဲ့ ကျွန်တော် မျက်နှာချင်းမဆိုင်လိုက်ရတဲ့နေ့ တွေတောင်ရှိပါတယ် ...
"ဖေဖေနဲ့ ဆုံချင်လို့ ပါ... အိပ်ပုတ်ကြီးတတ်တဲ့ ကျွန်တော်လေ မနက်ခင်း
စောစောလေးထလို့  ဖေ့ဖေ့ကားလေး ရေဆေးပေးခဲ့တယ် ..." နောက်ခန်းတံခါးဖွင့်လို့ 
ပုန်းဝပ်ကာ ဖေဖေ့နောက်ကို ကျွန်တော်လိုက်ချင်ပါတယ် ... လမ်းတစ်ဝက်ရောက်မှ
(၀ါး) ခနဲ ထခြောက်ကာ၊စနောက်တဲ့ ကျွန်တော့်ကို ဖေဖေ စိတ်ဆိုးတဲ့အကြည့်တွေနဲ့ ကြည့်ကာ
အလုပ်ရှုပ်တယ်ထင်ပြီးရောက်ရာကနေ ပြန်လှည့်ကွေ့ ကာ ကျွန်တော့်ကို ဖေဖေအိမ်မှာ ထားခဲ့ပြန်တယ် ။
ကျွန်တော်ဖေဖေ့ကို မခင်တွယ်တော့ဘူး ။ ဖေဖေဟာ ကျွန်တော်နဲ့ အတူလိုက်ဆော့ပေးနိုင်တဲ့
ကစားဖော်ကြီးလည်း မဟုတ်တော့ဘူး ... ရပါတယ်~ဖေဖေ ... နေပါစေလေ ... ကျွန်တော့်မှာ
အတူဆော့ဖို့ ရာ သူငယ်ချင်းတွေရှိလာပါပြီလေ ... "ဖေဖေ~ကျွန်တော်
ကျေးဇူးတင်တယ်နော် " စက်ဘီးလိုချင်ရင်၊စက်ဘီး...စကိတ်လိုချင်ရင်၊စကိတ်...
ဂိမ်းစက်ဆိုရင်ဂိမ်းစက်...တောင့်တသမျှကို ဖြည့်ဆည်းပေးတတ်တဲ့ဖေဖေဟာ...
ကျွန်တော့်အတွက်တော့ အဖိုးထိုက်ရတနာကြီးပါ ။ဒီလိုနဲ့ ကာလတွေရွေ့ လာလိုက်တာ
ကျွန်တော်လည်း အဆော့မမက်တော့ပါဘူးဗျာ ... စာအုပ်တွေ ရှာရှာဖတ်လို့  ...
သိလိုသမျှကို စူးစမ်း ၊ ဖေဖေ့ဆီမှာ မေးမြန်းတတ်လာပြီ ... ဖေဖေရဲ့ 
အိပ်ယာဝင်ချိန်တွေမှာ လျောင်းနေတဲ့ ဖေဖေ့ခြေသလုံးနှစ်ချောင်းဟာ ကျွန်တော်ဖို့ 
ကီးစမ်းစ၊စန္ဒရားခုံကြီးပမာပါ ... ဖေဖေကတော့ ကျွန်တော်အတွက်"Wikipedia " ပါ ...

ဒီလိုနဲ့ အချိန်ဆိုတဲ့ရထားကြီးကို စီးနင်းလိုက်ပါလာကြတာ ... သက္ကရာဇ်တွေ တရစ်ရစ်နဲ့ 
ဘူတာလေးတွေလည်း အသစ်အသစ်ဖြစ်လာခဲ့ပြီ ...။အခုတော့ ဖေဖေနဲ့ မေမေက အငြိမ်းစား...
ကျွန်တော်တို့ က မနက်ဆို ရုံးသွားကြပြီ ။ လောကဓံတရားက တစ်ဖန်ပြန် လည်လာလေသလားပေါ့ ...
မနက်မိုးလင်းတိုင်း ဘုရားရှိခိုး၊ဖေ မေကန်တော့ကာ ရုံးကိုထွက်သွားတတ်တဲ့ ကျွန်တော်တို့ ရဲ့ 
အိမ်ပြန်ချိန်တွေကို ~ အခုဆို ဖေနဲ့ မေတို့ က ပြန်လို့  မျှော်နေတတ်ပြီနော် ...
အလုပ်တွေမပြီးပြတ်လို့  အိမ်ပြန်ချိန်တွေနောက်ကျတတ်တဲ့ ကျွန်တော့်ကို ...
ဖေဖေများမျှော်နေမလား ... မေမေများ ပူပန်နေမလား ...ဗျာ ။။။။
ဖေဖေ့တုန်းက နားမလည်တတ်ခဲ့တဲ့ သား ... အခုတော့ တာဝန်နဲ့ ဝတ္တရားဆိုတာကို
ကောင်းကောင်းကြီး သဘောပေါက် သွားပါပြီ ...။

အချိန်စက်ဝန်းတွေပြောင်းလို့  ... ရာသီတွေလည်းဟောင်းခဲ့တော့ " ပေါ် ... ပူး...ပေါ် "
"ဖေဖေရေ ... တက်...တက် " ရထားကြီးထွက်တော့မယ်တဲ့ဗျ...
( ဘ၀ရထားကြီးပေါ်တွင် စီးနင်းလိုက်ပါလာကြသော
လောကခရီးသည်များခင်ဗျာ ... မကြာမီ အချိန်အတွင်းမှာ ~ ဘ၀ရထားကြီး ဆက်လက် ထွက်ခွာသွားမည် ဖြစ်ပါ၍
သက္ကရာဇ်မိုင်တိုင်လေးများကို ကျော်ဖြတ်ရန် လောကခရီးသည်များ အဆင်သင့်နေရာယူထားကြပါရန် ..................
" ပေါ် ... ပူး...ပေါ် ".....................................( ဂျုံး ဂျုံး ဂျက် ဂျက် ) .... .
( ဂျုံး ဂျုံး ဂျက် ဂျက် )
..............................................................
........................................................................
...............................................................................
ဘူတာအိုလေးကျန်ခဲ့ပြီ ...။ ။

♥MOESUTNAY♥
September 26 ,2010
( Sunday )
12:00 a.m.

"ခံယူချက်"

29 September 2010 at 15:31

ကျွန်တော်တို့ ရဲ့ သတ္တလောက ကမ္ဘာကြီးထဲမှာ တစ်ဦးနဲ့ တစ်ဦး၊တစ်ယောက်နဲ့ တစ်ယောက်
သက်ရှိရယ်၊သက်မဲ့ရယ် မှမဟုတ်ဘဲ ရှင်သန်ကြီးပြင်းဖြစ်တည်နေကြရတဲ့ အရာတွေတိုင်းမှာ
တစ်ဦးရဲ့ ခံစားချက်နဲ့ တစ်ဦး၊ တစ်ယောက်ရဲ့ ခံယူချက်နဲ့ တစ်ယောက် ၊ ထပ်တူညီ
တစ်သားတည်း မကျကြဘဲ ...လွတ်လပ်စွာ ကွဲပြားခြားနားနေကြတာကတော့
အမှန် ဧကန် ထူးခြား မဆန်းပြားလှပါဘူးလေ ...

>>> လေညှင်းလေးကပြောတယ်...
"ငါ့ကြောင့်...လေထုကိုရှူရှိူက်ရှင်သန်နေကြရတဲ့ 
သတ္တ၀ါတွေ ရွှင်လန်းစေဖို့  လေပြေလေညှင်းအေးအေးလေးတွေနဲ့ 
ပတ်ဝန်းကျင်ကိုအေးမြစေဖို့  နူးညံ့ စွာငါတိုက်ခတ်ပေးရမယ်..."

>>> မုန်တိုင်းကြီးကပြောတယ်...
"ငါတို့  လေထုကိုရှူရှိူက်လို့ အမှီစိုက်နေကြရတဲ့ 
သူတွေအငိုက်မှာ အရှိူက်ထိစေဖို့ ရာ ငါ ခပ်ပြင်းပြင်းတိုက်ခတ်လိုက်မယ်..."

>>> ကျောင်းဆရာတစ်ဦးက ဒီလိုပြောတယ်....
"ငါ့ကြောင့်...ပညာရေးလောကဟာ
အောင်မြင်တိုးတက်ရပါစေသား...

>>> အခြားဆရာတစ်ယောက် ပြန်လို့ ဆိုပေတယ်...
"ပညာရေးလောကကြောင့် ...ငါ" အောင်မြင်တိုးတက်ရပါစေ..."

>>> ဒူးရင်းသီးလေးက ဂုဏ်ယူဝံ့ကြွားစွာ ကျူံးဝါးတယ်...
"ငါ့ရဲ့  အရသာနဲ့ အနံ့ ကို ခြေဖျက်စားသုံးလိုသူအတွက်
ငါ့ကိုယ်ငါ ဆူးတွေနဲ့  ကာရံထားရမယ်...

>>> ပိန္နဲသီးလေးက အေးဆေးစွာပြန်လို့ ပြောတယ်...
"ငါတတ်စွမ်းသမျှ ရနံ့ အရသာနဲ့  လောကသားတွေစားသုံးနိုင်ဖို့ 
ငါတို့ တွေ ၀င်းမှည့်ပေးရမယ်..."

>>> ကျီးကန်းတစ်ကောင်က ဟိုဟို သည်သည် ကြည့်လို့  ပြောတယ်...
"လူတွေလစ်တာနဲ့ သူတို့ ရဲ့  အသား၊ငါးတွေကို ငါတို့ တွေ အလစ်ဆွဲစားရမယ်..

>>> ဥသြငှက်ကလေးက သာယာစွာပြန်လို့ ပြောတယ်...
"လူသားတွေ အမောအပန်းပြေစေဖို့ အတွက် ငါတို့ ရဲ့ တေးသံသာနဲ့ ဖျော်ဖြေပေးမယ်..."

>>> ကောင်လေးတစ်ယောက်က ဘုရားကန်တော့တိုင်း သစ္စာဆိုကာ ဤသို့ ဆုတောင်းတယ်...
"သားကြောင့်...ကမ္ဘာလောကကြီးဟာ ကြည်နူးလှပ အေးချမ်းသာယာ နိုင်ရပါစေသား..."

>>> အခြားတစ်ယောက်ကတော့ ....
"သားအတွက်...ကမ္ဘာလောကကြီးဟာ ကြည်နူးလှပ အေးချမ်းသာယာ နိုင်ရပါစေ..."

အသက်ရှိရှင်သန်နေထိုင်ကြပုံခြင်းတူပေမယ့် ... ခံယူပုံ၊ ခံယူချက်ခြင်းမတူကြတဲ့ 
ဤသတ္တကမ္ဘာလောကကြီးထဲတွင် ... လရေးနှစ်ချောင်းငင်(လူ) ၊ လူချင်းတူပေမယ့်လည်း...
ခံယူပုံ ၊ ခံယူချက်ခြင်း မတူညီကာ ခြားနားကွဲပြားနေကြပါရောလားဗျာ ...

♥MOESUTNAY♥

"ဘောင်မ၀င်ခဲ့လေသော..."

25 September 2010 at 11:52

ဖြစ်ချင်တာတွေမဖြစ်ခဲ့လို့ 
ဖြစ်ခဲ့ပြီးတာတွေကို
နောင်တရနေမယ်ဆိုရင်တော့ ...

ကျွန်တော့်ယုံကြည်ချက်တွေကို
အက်ဆစ်တွေပက်လို့ 
အဆုံးမဲ့ပင်လယ်ထဲကိုဝဲပစ်လိုက်တော့မယ် ...

တဆတ်ဆတ်နာကျင်ခဲ့ရတဲ့အရသာကို
တနုံ့ နုံ့ ခံစားရင်း
ထာဝရမေ့ပျောက်သွားချင်ပြီဗျာ ...

ဆန္ဒ္ဒနဲ့ ဘ၀တစ်ထပ်တည်းမကျတဲ့အခါ
လုပ်သလိုတွေမဖြစ်လို့  ~
ဖြစ်သလိုတွေတော့မလုပ်ခဲ့ရပါဘူး ...

ခေလိုက်တဲ့ကံကြမ္မာရယ်ဆိုပြီး
ဇာတ်နာအောင် ဒရမ်မာ ချိုးလို့ 
ဆိုပြော၊ငိုပြောလေးတွေနဲ့ တော့
ဘ၀ဆိုတာကို ရိုးမယ်လည်းဖွဲ့ မနေတော့ပါဘူး ...

အရောင်တွေ စွန်းထင်းခဲ့တဲ့
မျှော်လင့်ချက်တွေ
နောက်ပြန်လှည့်လို့ မရတော့တဲ့
ကောက်ကြောင်းတွေ
ဒဏ်ရာမဲ့ည အိပ်မက်ရှည်တွေ
သက်ဆိုင်သူ လက်မခံခဲ့တဲ့
ရင်ခုန်သံတွေ
တစ်ဘက်သက်ပျိုးခဲ့တဲ့
ကြည်နူးခြင်းတွေ
.....................
.....................
.....................
ကန့် သတ်ချက်တစ်ခုရဲ့ နောက်ကွယ်မှာ
အဆုံးမဲ့ ပင်လယ်ထဲကို~၀ဲပစ်ခဲ့ပြီးနောက် ...

ဘာပဲဖြစ်ဖြစ်ပေါ့
ကျွန်တော်ဟာ
အပျံသင်စ ~ ငှက်တစ်ကောင်ပါပဲ ...

♥MOESUTNAY♥
September 23 ,2010
( Thursday )
12:00 p.m.

"မပြည့်စုံခြင်း"

25 September 2010 at 11:00

ကြည်လင်နေတဲ့ကောင်းကင်ကြီးနောက်မှာ
မှိုင်းညို့ ညို့ မိုးသားတွေရှိမယ်ဆိုတာ
အစကတော့ ကျွန်တော် မသိခဲ့ဘူး...မေမေ
မြူတွေအုံဆိုင်းလို့ 
မျှော်လင့်ခြင်းတွေမှေးမှိင်ခဲ့တဲ့အချိန် ...

တိမ်တိုက်လေးက
အဝေးထွက်မပြေးခင်
အနားနားကပ်ကာ ~ ရယ်မောလို့ 
တိုးတိုးပြောသွားတယ်လေ ...

"ဖြည့်ပေးမှပြည့်နိုင်မယ့်
ကွက်လပ်လေးတွေအတွက်
မင်းလိုအပ်ချက်ကို...
မင်း...အရင်စဉ်းစားပါဦးတဲ့"လားဗျာ ... ။ ။

♥MOESUTNAY♥
September 24 ,2010
( Friday )
3:00 p.m.

"ကလေးအတွေး"

27 September 2010 at 14:08

ကျွန်တော်ဟာ~သူ့ ဘေးနားက
ကြည့်နေရုံသက်သက်လေးပါ ...

ပုံမှန်ရှင်သန်နေတဲ့
ကျွန်တော့်အသိတရားကို
သူ့ ဖို့  (ငယ်) ထားမိတယ် ...

သာမန်ဖြစ်တည်နေတဲ့
ကျွန်တော့်အသက်အရွယ်ကိုလည်း
သူ့ အတွက်ဆို ...
ထက်ဝက်(ဖယ်)ထားချင်ပြန်တယ် ...

သူ့ မျက်စိရှေ့ ၊ မျက်လွှာအောက်မှာ
ကျွန်တော်ဟာ ...
ကလေးပေါက်စနတစ်ယောက်ပေါ့
သူ့ အလိုရ ၊ သဘောတော်ကျရအောင်
ကျွန်တော်က~နေပြချင်ခဲ့တယ်လေ ...

တကယ်ဆို ~ သူက
ဟိုးဝေးဝေးက လမင်းလေး
ကျွန်တော်က မျှော်ရင်းငေးနေတဲ့
ကလေးလေးလိုပါပဲ ...

တစ်နေ့ နေ့ ၊တစ်ချိန်ချိန်မှာ
လမင်းလေးပြုတ်ကျကာ
ကြွေလာလေမလားလို့ 
ရူးမိုက်စွာ ... မျှော်လင့်ခဲ့ဖူးတယ်လေ ...

တကယ့်~တကယ်တော့
အစွဲအလန်းကြီးစွာနဲ့ 
ရူးသွပ်တတ်ခဲ့တဲ့~ကျွန်တော်ဟာ
ဟိုး...ကောင်းကင်ကြီးထဲက
လမင်းလေးကိုလေ
မြင်နေရင် ~ ပျော်ရလို့ 
တွေ့ နေရင် ~ ကျေနပ်ကာ
ငေးနေရုံသက်သက်နဲ့ ...
အိပ်မက်တွေမက်တတ်ခဲ့သူပါဗျာ ~ ။ ... ။

♥MOESUTNAY♥
Friday
September10,2010
2:00 p.m.

"မီးနဲ့ ဝေးစေ...ပိုးဖလံရေ"

27 September 2010 at 14:36

ဆုတောင်းများမှားခဲ့လား မှတ်ရတယ်
ဖြစ်ချင်တာနဲ့ ဖြစ်နေတာက
တေ့တေ့လေးရယ် လွဲနေလိုက်တာ ...

ကကြိုးကကြောင်နဲ့ အပေါက်အလမ်းမတည့်ခဲ့သမျှ
ကျွန်တော့်ကောက်ကြောင်းတွေကို
တစ်ချက်လောက်တော့ ပြန်စီရဦးမယ်ဗျာ ...

သူလိုကိုယ်လိုနဲ့ နေလာလိုက်တာ
ဆန္ဒနဲ့ ဘ၀ကြားက ဖြစ်တည်နေခြင်းကို
ရှင်သန်နေထိုင်မှု့ လို့ ဆိုထားမိတယ် ...

လရေးနှစ်ချောင်းငင်(လူ)
လူကတော့(လူ)ပဲ
အသံထွက်ပုံချင်းတူပေမယ့်
အနက်တွေကွဲနေပြန်ပါရောလား ...

ဒီလိုနဲ့ ပဲ ...(၃၁)ဘုံအတွင်းမှာ
လူးလိမ့်ကာ ကျင်လည်နေရင်း
ကြိုးလျှောက်တာ ကြိမ်ရေများလာလို့ 
တစ်ခါတစ်ခါ တကယ်(ပမ်း)တယ်ဗျို့  ...

လူတစ်ချို့ သိပ်လုပ်တတ်ပ
အပေါ်ယံ သကာလောင်းလို့ 
ရင်ထဲမှာတော့ ဟောင်းလောင်း
မာယာတွေ ဗလပွနဲ့ 
အပြုံးတွေ စီသကြတာ ...

ကိုယ့်ရှိမှကိုယ့်ဟာ
သူ့ ရှိတော့ သူ့ ဟာ
ဘာမနာလိုစရာရှိလဲ
မုဒိတာ မပွားဘဲ
ဣဿာတွေများနေလိုက်တာ
ဒီဘ၀ကြီး ခဏရတာပါဗျ
နောက်တစ်ဘက်ကမ်းကို
အပူတွေနဲ့ မတက်လှမ်းချင်စမ်းပါနဲ့ ဗျာ ... ။ ။

♥MOESUTNAY♥

11thJuly2010
( Sundy )
2:00 p.m.

"အချစ်သို့ ရှူံးနိမ့်ခြင်း"

27 September 2010 at 14:52

ဖြစ်နိုင်မယ်ဆိုရင်
ဘ၀မှာ... တစ်ကြိမ်၊တစ်ခါလောက်တော့
မိုက်မိုက်မဲမဲရူးသွပ်ခွင့်ကိုရလိုက်ချင်ပါသေး ...

မြင်နိုင်မယ်ဆိုရင်
ရင်ကိုခွဲလို့ အသဲကိုပြချင်တယ်ှု
ငါ့ဝဲဘတ်ရင်အုံထက်က
နင့်ကိုယ်ပွား ပုံရိပ်ယောင်လေးကိုလေ ...

ကြားနိုင်မယ်ဆိုရင်
မိုင်ကုန်ဟစ်လို့ အသေကျုံးအော်ချင်ပါသေး
ပဲ့တင်ထွက်မတတ် တရဆက်ရွတ်ဖတ်နေတဲ့
ငါ့နှုတ်ဖျားထက်က
နင့်နာမည်လှလှလေးအား ...

သို့ ပေမယ့်လည်း
ကောင်မလေးရယ်
ဘ၀ဆိုတဲ့စကားလုံးကို
နှုတ်ဖျားကထုတ်ဖတ်ကြည့်တိုင်း
ထိန်းချုပ်ခြင်းအသိအောက်မှာ
ဘယ်ဘတ်ရင်တစ်ခြမ်းက
အောင့်(အောင့်)တက်လာတယ် ...

တမ်းတသူ အကျွန်ုပ်ဘက်မှာ
မျှော်လင့်စောင့်စားနေယုံသက်သက်ထက်သာ
ဘာများပိုလို့  ကျွန်တော်တတ်သာမလဲဗျာ ...

သေချာတာတစ်ခုကတော့
လူတစ်ယောက်ကို စချစ်မိပြီဆိုကတည်းကိုက
အရာရာ အကုန်လုံး ...
autoရှုံးသွားတယ်ဆိုတာ
ဘယ်သူက နားလည်နိုင်မှာလဲဗျာ... ။ ။

♥MOESUTNAY♥
24thMay2010
2:30 a.m.

"ရင်ဘတ်ထဲက သံစဉ်"

27 September 2010 at 14:54

အိပ်မက်မက်နေတယ်လို့ 
သိလိုက်ရရင်တောင်မှ
မနိူးတမ်းအိပ်ချင်နေတာက
မင်းရဲ့ နှလုံးသားထဲမှာပါကွာ ...

အချစ်နဲ့ ဘ၀က~ တကယ်တော့
ခြားလှတယ်ဆိုတာ
ငါနားလည်ပါတယ်
ကောင်မလေးရယ် ...

အမှတ်တမဲ့နဲ့ ...
ငါ့ရင်ဘတ်ကိုတံခါးခေါက်လို့ 
ရင်ခုန်ခြင်းအိပ်မက်ရှည်တွေနဲ့ 
တိတ်တဆိတ်ထိုးဖောက်ကာ
နင်'၀င်ရောက်လာလေရဲ့  ...

ကျေးဇူးပြုပြီး...
လှုပ်နှိူးဖို့ တော့~မကြိုးစားပါနဲ့ တော့
နင်'ပေးခဲ့တဲ့အိပ်မက်ရှည်တွေနဲ့ 
ငါ'ဒီမှာ...တော်တော့်ကို အသားကျနေပါပြီ ...

အိပ်မက်ဆိုတာ...
ကြိုးပျက်နေတဲ့ပတ္တလားဟောင်းတစ်လုံးမို့ 
သံစဉ်ထွက်အောင်တီးခတ်ပေးဆိုရင်
နရီမပီ၊စည်းဝါးမညီဘဲ
သံစဉ်မကျနလို့ ၊ပနံတင့်ချင်မှတင့်မယ်နော် ...

ဒါပေမယ့်လည်း
ကြိုးသွားစုံလင်နေတဲ့...
ပတ္တလားကောင်းတစ်လုံးကိုပင်
အတီးမတတ်တဲ့သူ(ထ)ပြီးတီးခတ်ရင်
စည်းဝါးမညီ၊ကာရံမကိုက်လို့ 
သံစဉ်ပီသချင်မှ ပီသမယ်လေ ...

တစ်ချို့ တစ်ချို့ တွေမှာ
အားနည်းချက်ကွက်လပ်လေးတွေနဲ့ 
အတတ်နိုင်ဆုံးကြိုးစားလို့ ရယ်
အဖြစ်နိုင်ဆုံး ဖြည့်ဆည်းကြည့်ကြတဲ့အခါ

တစ်ခါတစ်ရံမှာ ...
ကြိုးပျက်နေတဲ့ ပတ္တလားသံဟာ
ပိုလို့  ချိုမြတတ်ပါတယ်ကွာ ... ။ ။

♥MOESUTNAY♥

11thJuly2010
( Sunday )
5:30 p.m.

"ကြိုးလျော့သံ"

"ကြိုးလျော့သံ "

27 September 2010 at 15:06

နှုတ်ချိုလျှိုတစ်ပါးတွေ
မုသားမပါ၊လင်္ကာမချော...
ဘာတွေ ... ညာတွေ၊ ... မလုပ်တတ်ပဲ
စိတ်အရှိတိုင်း...ဘွင်းဘွင်း
ဟန်ဆောင်ခြင်းကင်းကင်းနဲ့ 
ဂျစ်ဆတ်ဆတ်ပြောတတ်တဲ့ ငါ့စရိုက်ဆိုးတွေက
နင်နဲ့ တွေ့ တဲ့အခါ ~နူးညံ့ တတ်လာတယ်ဟာ ...

နင် အထင်ကြီးတဲ့
လူတည်ကြည်ကြီးတစ်ယောက်မဖြစ်ခဲ့လို့ လည်း
တစ်ခါတစ်ခါ ~ ငါ့ကိုယ်ငါ အားမရပါဘူးဟာ ...

နင်မနှစ်သက်တတ်တဲ့
ရူးတူးတူးပေါတောတောစရိုက်တွေကလည်း
ပျော်ပျော်နေတတ်တဲ့ငါ့ဆီမှာ
အလိုလိုထင်ဟပ်နေတာ ~ ဘယ်နှယ့်လုပ်ရမလဲဟာ ...

နင်ပြောပြောနေတတ်တဲ့
ရင့်ကျက်မှု့ ဆိုတဲ့စကားက
ပေါ့ပေါ့နေတတ်တဲ့ ငါနဲ့  နင့်အကြား
မိုးနဲ့ မြေအလား ~ ခြားနားလွန်းပါတယ်ဟာ ...

ငါ့နှလုံးသားလေးပြုံးဖို့ ရာ
သူများအသဲကွဲရမှာဆိုရင်တော့
နေပါစေတော့ကွာ
ငါ့ဘ၀နဲ့ ငါ့ဇာတာ ရှိပါစေတော့ဟာ

တကယ်ဆို
ခဏတာရတဲ့ပျော်ရွှင်မှု့ ကို ပုံရိပ်ဖမ်း
ငါဆိုတဲ့ကောင်က ... ရေပေါ်ကဂဏန်းလိုပါပဲ
ရေတက်တုန်းခဏ .... ကမ်းပေါ်ကပ်ရရှာတာလေ ...

အကယ်၍
ကံကြမ္မာမျက်နှာသာပေးလို့ 
နောက်ဘ၀ဆိုတာရှိခဲ့သေးရင်
အချစ်ဆိုတာလေးကို
နင်နဲ့ တော့ ကြုံလိုက်ချင်သေးတယ်ဟာ ... ။ ။

♥MOESUTNAY♥
September 2,2010
(Thursday)
7:00 p.m.

"ရုန်းရင်း၊ကန်ရင်း...သူငယ်ချင်း"

27 September 2010 at 14:58

"Life is a struggle"ကွ
ရုန်းရင်း၊ကန်ရင်းပေါ့...သူငယ်ချင်းရယ်
ဘ၀ဆိုတာ...တိုက်ပွဲတဲ့
မနိုင်ရင်တော့ ရှုံးမှာပဲ
လဲရင်ပြန်ထ ... ဒါ'ဘ၀ကွ

ဘ၀ဆိုတာ
Director မလိုဘူး၊Producerမလိုဘူး
Actor / Actress အဖြစ်နဲ့ 
မင်းကိုယ်တိုင် လောကဇာတ်ခုံပြစင်ပေါ်မှာ
တင်ဆက်ဖျော်ဖြေကပြခွင့်ရမယ်လေ …
ဒါပေမယ့်…မှားသွားရင်တော့လား
ပြန်ပြင်ဖို့ အခွင့်အရေး (သူ့ )မှာမပေးဘူး …

အခမဲ့ချလို့ ပေးထားတဲ့ Canvas တစ်ချပ်မှာ
လိုရာပုံဖော်လို့ စိတ်ကြိုက်ပန်းချီရေးခြစ်လို့ ရတယ်
သို့ သော်လည်း…အမှားပြင်ဆင်ချက်နဲ့ 
နောက်ကြောင်းတွေပြန်ဖြည့်စွက်တဲ့အကွက် လုံးဝခွင့်မပြုပါ …

Domain Name ၀ယ်စရာမလိုတဲ့
Free Web-Page တစ်ခုမှာ
ငါတို့ ကြိုက်တဲ့ Platform ကနေ၊စိတ်ကြိုက်Programming Languageနဲ့ 
ရေးဆွဲကာပုံဖော်ပြလို့ ရတယ်
ချွင်းချက်…တင်ပြတဲ့ forumတွေ blogတွေမမှားစေနဲ့ ပေါ့ဗျာ
သူကပြန်ပြင်ခွင့်မရှိလို့ ပါ ...

ဒီလိုနဲ့ ပဲ
မေးဖွားခြင်းနဲ့ သေဆုံးခြင်းကြားမှာ
ရုန်းရင်း၊ကန်ရင်းနဲ့ လှုပ်ရှားနေရတာ
Game ပွဲတစ်ပွဲအလားပမာ
Win (or) Game over တစ်ခုခုတော့
ငါတို့ တွေ သေချာပေါက်ရမှာပါ ....

လှုပ်ရှားမှု့ ဟာရပ်တန့် သွားရင်
ဘ၀တွေလည်း (တန့် ) သွားနိုင်တယ်ကွ ....

လူ့ ပြည်ထဲခြေမနင်းခင်
မေမေ့ဝမ်းထဲသန္ဓေတည်စ
ဟိုး...လူ့ ဘ၀ကြီးရဲ့ အစကတည်းကိုက
ငါတို့ တွေ ရုန်းကန်ခဲ့လိုက်ရတာ ...

လှုပ်ရှားမှု့ သာမပါကြည့်ပါလား
မေမေ့ဝမ်းအတွင်းထဲ ရေမွှာတွေ မွှမ်းလို့ ပဲ
ငါတို့ တွေ လူ့ လောကကြီးပေါ်
ခြေဆင်းလို့  မြေနင်းခွင့်ရပါ့မလားနော် ....

လှုပ်ရင်း၊ရှားရင်းနဲ့ ပဲ
အူဝဲလို့ မြည်တမ်းကာ ကမ္ဘာမြေကြီးထဲကို
လည်လည်တစ်ခေါက် ရောက်လာလိုက်တာ .....~

ဟူးးးးး ခန္ဓာတွေ မချုပ်ငြိမ်းလို့ 
မနက်ဖန်တွေ မသိမ်းခင်အထိတော့
(နောက်တစ်နေ့  မကူးခင်အထိပေါ့)
လှုပ်ရင်း၊ရှားရင်းနဲ့ ပဲ ရုန်းကန်သွားရဦးမှာပါလား . . . ။ ။

"Life is time between womb & tomb! "

♥MOESUTNAY♥
11.7.2010(Sun)
7:20p.m.

'ကျွန်တော့်ကို မချစ်သော ကျွန်တော်၏ချစ်သူ'

27 September 2010 at 15:13

ရင်ထဲမှာ ဖြစ်တည်တာက
သံယောဇဉ်
အမှန်ပြောရင် စိတ်မနောအသွင်မှာ
နက်နက်နဲနဲချစ်မိတာက 'နင်' ...

လူထဲကလူ အတူတူမို့ 
လူတကာသတ်မှတ်ထားသလို
(တစ်)ပြီးရင်၊(နှစ်)လာမယ်ထင်လို့ 
နင်ငါ့အပေါ် ...
ချစ်ပြီးရင်း၊ ချစ်လာမယ်မှတ်တာ
အော် ... တကယ်ဆို အချစ်ဟာ ...
သိပ်နီးခြင်း၊ကပ်ခြင်းနဲ့ လည်း ဆိုင်မှမဆိုင်တာပဲနော် ...

ဆန္ဒနဲ့ ဘ၀တစ်ထပ်တည်းမကျတတ်တာ
လောကသဘာဝပါတဲ့  ...
ဖြစ်ချင်တာထက် ၊ ဖြစ်သင့်တာကို ရွေးချယ်ကြေးမို့ 
ခံစားချက်ကိုဘေးဖယ်
ဘ၀ဆိုတာကိုတွေးမယ်ဆိုရင်
ကဲ...ကောင်မလေးရေ~
နင်ငါ့ကိုယ်မချစ်ချင်ရင်လည်း
ငါ'အပြစ်မမြင်တော့ပါဘူးလေ ...

နင်သာလက်ခံမယ်ဆိုရင်
ရင်ခုန်မှု့ တွေနဲ့ ထပ်တူ
မျှော်လင့်ချက်တွေကိုအသက်သွင်းလို့ 
ငါ့မနက်ခင်းတွေ နင့်ထံပါး ... အပ်နှင်းပါရစေသား ...

သေချာတာတစ်ခုကတော့
ငါရင်ခုန်ရတဲ့ နင့်မှာ
ဖြူစင်တဲ့သဏ္ဍန်နဲ့ 
ပွင့်လင်းတဲ့ဟန်ပန်တွေရယ်
ချိုသာတဲ့အပြုံးနဲ့  ရိုးသားတဲ့မျက်လုံးတွေရှိနေလို့ များ
ငါနင့်ကိုယ် ချစ်မိသွားတာလား ...

တစ်ခါတစ်ခါ နင်'စိုးမိုးအားကြီးပုံများ
ရင်ဘတ်ထဲက အသံကို Dictionary လှန်တာ
အနက်မပြန်နိုင်တဲ့ ညတွေတောင်ရှိတယ်ဟာ ...

ဖြစ်နိုင်လျှင် နင်'ဟာ
မြန်မာသဒ္ဒါထဲက နာမ်ပုဒ်တစ်ခုသာဆိုရင်
အများနှင့်မသက်ဆိုင်ဘဲ
ငါတစ်ယောက်ထဲသာပိုင်သည့်
တစ်ဦးဆိုင်နာမ်ဖြစ်ရပါစေသား ...

ကျေးဇူးပြုပြီး
တစ်ချက်လောက်တော့ပြုံးပေးပါကွာ
(ဆြာတာရာမင်းဝေ...ပြောသလို
အချစ်မှာ မျှော်လင့်ချက်လိုတယ်တဲ့)
ငါလည်းပဲ... မျှော်လင့်ချက်ခပ်ငွေ့ ငွေ့ လေးနဲ့ 
မနက်ဖြန်တွေ ဆက်ရွေ့ နေချင်သေးလို့ လေ ...

♥MOESUTNAY♥
August 08,2010
(Sunday)
2:00 p.m

" ချစ်ခြင်း၏စည်းတစ်ဖက်၌အချစ်ရှိသည်။ "

27 September 2010 at 15:36

နင့်ရဲ့ အဝေးမှာ မနေတတ်တဲ့ငါနဲ့ 
ငါရဲ့ အနီးမှာ မရှိချင်တဲ့ နင့်ရဲ့ 
မျှော်လင့်ချက်မဲ့ ဆက်ဆံမှုတွေကြား
ဘာလိုလိုနဲ့ 
မနက်ဖြန်ဆိုတာ ~ ရှားသွားခဲ့ရပြီ ...

ခြားထားမှန်းသိရက်နဲ့ 
အဲဒီစည်းတစ်ဖက်ထဲကိုတိုး
နင့်ကို မြတ်နိုးတယ်လို့ 
ဆိုလိုက်တိုင်း ...
ရင်ဘတ်တစ်ခုလုံးအလွမ်းတွေမှိုင်းထ
ငါဟာ...သ၀န်တိုစိတ်တွေနဲ့ 
ရိုင်းပျလာတတ်ခဲ့ပြီ ...

တကယ်ဆို
နင်မဖတ်တတ်ခဲ့တဲ့
ငါ့ရင်ဘတ်ထဲက~ဗျည်းအက္ခရာဟာ
အတ္တဆန်ခြင်း ၊ သ၀န်တိုခြင်း
မနာလိုခြင်း ၊ သဘောထားသေးသိမ်ခြင်းတွေနဲ့ 
ခြယ်မှုန်းခဲ့ရတာတော့ ~ မဟုတ်ပါဘူးကွာ ...

အချစ်ရဲ့ အဓိပ္ပာယ်ကို
နားလည်တတ်ဖို့ ရာ
အခုမှ ... ငါဟာ
သင်ပုန်းကြီးဖတ်စာ ~ ဖတ်နေတုန်းပါ ...

တကယ်တော့ .... _______ ရေ
သံယောဇဉ်ကြိုးကို
မြတ်နိုးစွာနှောင်ဖွဲ့ တိုးလို့ 
တိတ်တခိုးချည်ငင်ခဲ့တာ
နင့်တစ်ယောက် ~ ပျော်ရွှင်စေဖို့ 
ဖြည့်ဆည်းပေးချင်ယုံသက်သက်ပါကွာ ....

♥MOESUTNAY♥
September 26 ,2010
( Sunday )
2:00 a.m

" နေ၀င်ချိန် "

29 September 2010 at 10:27

ဘယ်လိုပင်ဝေးဝေး
ဝေးနေပါစေလေ ...

ရေ၊မြေတွေခြားလို့ 
တံတိုင်းတွေကာရံထားပါစေ ...

နားလည်မှု့ တွေပွားကာ
နွေးထွေးမှု့ တွေများလာသောအခါ

သူ နဲ့  ကျွန်တော် ဟာ ...

အဝေးကြီးဝေးလည်း
ရင်ဘတ်ချင်းစည်းလို့ 
တကယ်ဆို ...
နီးနီးလေးရယ်~မှတ်ခဲ့ရတယ် ...

နားလည်မှု့ တွေဝေးလို့ 
ဂရုစိုက်မှု့ တွေ~ သွေးအေးလာသောအခါ
သူနဲ့  ကျွန်တော်ဟာ
သူစိမ်းများပမာ
auto ဖြစ်သွားကြတယ်ဗျာ ...

♥MOESUTNAY♥
Tuesday
September14,2010
2:30 p.m.

'ကြင်နာချင်ရုံသက်သက်ပါ'

29 September 2010 at 10:29

ကောင်မလေးရယ် ...
နင့်ဆီမှာ ...
အဆင်မပြေမှု့ တွေ~ကြုံရတဲ့အချိန်
နင့်ရင်မှာ ...
ခါးသီးမှု့ တွေကြုံရတဲ့အချိန်
နင့်နံဘေးမှာ ...
တစ်ခုခု လိုအပ်တဲ့အချိန်
အားပေးဖော် အကူတော်လေးအဖြစ်
နင့်အပါး ... ငါ'အခစားဝင်ပါရစေဟာ ...

နင်'စိတ်ညစ်တဲ့အချိန်တွေတိုင်း
နင်'အားငယ်ရတဲ့အချိန်တွေတိုင်း
နင်'ကြေကွဲရတဲ့အချိန်တွေတိုင်း
ထွေးပွေ့ဖို့ ရာ ... ငါ့လက်ဖ၀ါးအစုံအား
နင့်ပုခုံးထက် ~ ခိုနားခွင့်ပြုပါဟာ ...

တစ်စုံတစ်ရာကြောင့် နင်'၀မ်းနည်းရတဲ့အခါ
နင်'နာကျင်ရတဲ့အခါ နင်'ခံစားရတဲ့အခါ
ကျေးဇူးပြုပြီး ... ငါ့ကိုယ်
နင့်အနားမှာ ခဏလောက်နေခွင့်ပေးပါဟာ
နင့်အမောတွေကို ~ ငါဖြေသိမ့်ပေးချင်လို့ ပါ ...

နင်' ပျော်မြူးနေခဲ့ရင်
နင်' ကြည်နူးနေခဲ့ရင်
နင်' အောင်မြင်နေခဲ့ရင်
နင်' ပျော်ရွှင်နေခဲ့ရင် ...
ငါ့ကိုယ် နင်' မေ့ချင် မေ့ထားလိုက်ပါဟာ

နင်သတိယလို့  တမ်းတမိရင်တော့
ငါဆိုတဲ့ကောင်ဟာ~နင့်အတွက်
ဟိုသီချင်းလေးလိုပဲပေါ့
♫အရင်လိုပါပဲ ... အရင်အတိုင်းပဲ ♫

♥MOESUTNAY♥
August 08,2010
(Sunday)
11:00 A.M

"လွမ်းရုံဖြင့်သာ"

29 September 2010 at 10:51

"ခံစားချက်နဲ့ စကားလုံးတွေဟာ
ပြောင်းပြန်အချိုးကျတယ်"တဲ့ 
ရင်ဘတ်ကြီး ပြည့်သိပ်လာလို့ 
စကားလုံးတွေအန်မထွက်တော့တာပါ ...

မသိကျိုးကျွံ့ ပျက်ရယ်ပြုနေတဲ့ 
နင့်စကားလုံးတွေရဲ့ 
အနက်နဲ့  သီအိုရီကို
ငါ့နှလုံးသားက ပိုက်စိပ်တိုက် ရှာချင်နေခဲ့တယ် ...

နိုးတစ်ဝက်အိပ်မက်တွေနဲ့ 
ရှတတ နှလုံးသားတစ်စုံက
ခပ်မွမွလေး လွမ်းချင်နေခဲ့တာ
ဘာဖြစ်လို့ များလဲ မသိပါဘူးကွာ ...

ပုံပြင်ဆန်ဆန် ရူးသွပ်တတ်လို့ ပဲလား
ရိုးသားစွာ လျှို့ ဝှက်တတ်ချင်ခဲ့လို့ လား
ငါ့ကိုယ်ငါ မကွဲပြားသေးပေမယ့်
ဆိတ်ဆိတ်နေခြင်းဟာ
ဝန်ခံခြင်းတစ်မျိုးဆိုရင်
နင့်ကိုယ်ငါချစ်ကြောင်း
ဘာမှမပြောဘဲ (ငြိမ်ပြီးတော့) နေပါရစေတော့လား ....

အလွမ်းတွေ ဗလပွနဲ့ 
ဟောဒီ ရင်ဘတ်ကြီးထဲမှာ
နင်ဆိုနင်မှ တမ်းတနေတာ
ငါ့ရင်ခုန်သံတွေ ရှင်းသန့် ကြောင်း
ငါ့အလွမ်းတွေ ရိုးသားကြောင်း
ဆယ်သက်၊ဆယ်ကမ္ဘာ ကျိမ်ပြောရဲပါတယ် ...

ကဗျာတစ်ပုဒ် ပန်းတစ်ဆုပ်လောက်နဲ့ မှ
အချစ်ကို show ထုတ်ပြလို့ မရတဲ့ 
ဒီခေတ်ကြီးထဲမှာ ...
လူဖြစ်ရတဲ့ ငါက
ကဗျာသီဖွဲ့ ကာ ပေးကူလို့ 
တစ်နာရီခွဲစာ ဝေးသူသို့  ~~~~~~~~~~~~

♥MOESUTNAY♥